【鬼妹都愛港】陳明恩約滿離開無綫 去年6月「PRAY for HK」

更新時間 (HKT): 2020.05.23 16:43

「鬼妹仔」陳明恩今日在社交網宣佈正式約滿離開,與無綫結束13年的賓主關係。明恩透露最近播出的《飛虎之雷霆極戰》是她的告別作,感激多來與她合作的台前幕後同事,滿有不捨地留言:「好開心有機會參與TVB《飛虎之雷霆極戰》,可以一齊飛去倫敦拍戲!真係好難忘!這是我在TVB參與最後一部電視劇,好感激咁多年可以有機會喺TVB工作,認識到好多好有才華嘅人,同埋結識咗好多好朋友。多謝TVB、樂小姐(樂易玲)、珍姐(曾勵珍)、多謝咁多位監製、導演、前輩、藝員同事、化妝、服裝、髮型同事,同埋所有幕後同事,畀好多機會我同埋教識我好多嘢,喺我人生裏面有着好重要的歲月,我已經好掛住大家,珍惜你哋每一位。我現剛約滿,會休息一陣,稍後會繼續嘗試不同類型的演藝跳舞唱歌工作,追求一個更進步的自己,期待為大家帶來更多的新鮮感,謝謝各位。」

現年39歲的陳明恩(Corinna),爸爸是紐西蘭人,媽媽則是澳洲人,當年父母因為傳道移民到香港,明恩與哥哥都是土生土長的香港人,說得一口純正的廣東話。近年不少撐黃藝人疑遭無綫打壓,黯然離開,明恩雖未有參與遊行,或在社交網談論社會運動;但她卻熱愛香港!去年6月4日,明恩自彈自唱一曲《獅子山下》送給她的家--香港,她說:「我趕住坐飛機同老公去沙巴,上機前想錄一首歌畀我屋企,香港。」同月,社會運動剛開始,她又在IG貼出黑底白字「PRAY for HK」的字句。

4月7日是明恩的生日,她昨日貼出與老公Eddy一齊捧住蛋糕的合照,為醫護打氣說:「我今年嘅生日,4月7號,都係一個好特別嘅經歷。有事(時)生命裏面最簡單嘅嘢,係最大嘅禮物。好感恩家人、朋友,同埋自己健康。好感激香港所有醫護人士一路努力為我哋城市嘅健康奮鬥。好開心可以健康快樂同老公喺屋企一齊慶祝生日。多謝好多朋友message嘅祝福。同埋多謝天父爸爸賜生命畀我!我要每一天好好為佢去活!」《蘋果》曾聯絡明恩了解離巢原因,但截稿前未有回覆。

娛聞樂陪你走遍全球追星,即Like「娛果」FB 專頁!
BannerBanner