蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年01月24日

拖欠薪金夥計郤拉閘洩憤
沈德寶莉含淚求員工放一馬

沈德寶莉近期受到財務困擾。 資料圖片

健美界名人沈德寶莉名下的兩間BodybyDeborah美容院早前被追收設計費,又向員工借糧,變相減薪。昨日有員工指公司拖欠一個月薪金,前日更欲拉閘罷工。而沈德寶莉則希望員工忍耐,並表示已積極尋求買家。

健美界名人沈德寶莉創立的BodybyDeborah一直被傳經濟出現問題,繼去年底被入稟追討三萬元設計費後,去年十月又以扣薪形式向員工借錢,前日更傳有員工不滿未獲發十二月份薪金,欲在中環店拉閘關舖。

積極尋求買家
一位不願透露姓名的BodybyDeborah女職員向本報記者稱,沈德寶莉前日含淚向員工表白公司正處於危機。該女職員在電話中說:「十月同十一月扣起三成薪金當借畀公司,已經有好多人唔滿意,十二月嘅糧到今日都未出,大家都好擔心,又激動。噚日(即前日)重有人打算拉閘唔做嘢,𠵱家已經有三個美容師同夥計冇返工。」
該女職員指沈德寶莉獲悉有人欲拉閘罷工後,即時趕回中環店開員工大會,更含淚向員工解釋公司苦況,該女職員引述沈德寶莉的說話:「佢話你哋睇埋呢個月尾啦,如果有人收購公司,就可以發放番啲薪金,如果冇,公司可能要清盤!我真係冇錢,不如我畀住啲車錢、食飯錢你哋先啦!」

否認員工拉閘
有職員以享用公司內Spa及做面膜扣數。而會計部亦勸喻職員不要拉閘及張揚事件,否則公司賣盤無望,更難追討欠薪,員工本打算今日到勞工處求助,但有見沈德寶莉之苦況,所以暫緩行動。
記者昨日分別到BodybyDeborah銅鑼灣及中環店了解,兩店均已如常開門營業,公關部經理林寶祺向記者否認曾發生拉閘事件,她說:「總之,公司呢個時刻冇問題,財政方面,老闆遲啲會有交代。」
有指員工因不滿被扣糧,正醞釀工潮,林寶祺回應說:「扣糧係內部事,個別員工嘅問題唔代表公司有問題,根本冇拉閘嘅事,呢個消息好無聊。Deborah(沈德寶莉)係名人,可能有人想破壞佢嘅聲譽,至於之前嘅欠薪,我哋已經發還。」記者至截稿前仍未聯絡上沈德寶莉。
採訪、攝影:楊潔雯、梁錦雯、顏英儀

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載