蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年02月02日
馬上成為壹會員

全球限量15隻今拍賣
張曼玉戴無價玉寶錶行善

張曼玉身旁的正是今次拍賣的無價玉寶錶,全球只得十五隻。
張曼玉本身戴的手表,是去年五月推出的玉寶錶「1911」。

張曼玉昨日戴了一隻全球首次亮相的瑞士名表玉寶錶BelugaManchette粉紅藍寶石腕表會傳媒,此表全球只得十五隻,其中一隻於今晚香港癌症基金會慈善晚會拍賣,籌得款項將全數捐給香港癌症基金會,但手表的售價和底價都未定。

張曼玉昨日於灣仔君悅酒店出席玉寶錶記者會,今晚她亦會出現於君悅酒店所舉辦的香港癌症基金會周年慈善晚會,身為代言人的張曼玉昨日示範一隻設計獨特、全球首次亮相的玉寶錶BelugaManchette粉紅藍寶石腕表會傳媒,此表全球只得十五隻,香港獲分配一隻,今晚將在晚會上拍賣籌款,收益捐贈香港癌症基金會。

手戴去年舊款
以粉紅色為主調的BelugaManchette粉紅藍寶石腕表,純鋼表身,兩旁鑲滿公主式切割的粉紅藍寶石,共重1.75卡,配合鑲有十二顆美鑽的珍珠母貝表面,粉紅色小牛皮帶,拍賣底價和售價都未定。
而張曼玉本身佩戴的手表,則是去年五月出的玉寶錶「1911」,她說:「我覺得做善事幫到人,對家人、朋友或者社會做番啲嘢都係好事。」

將與丈夫過年
在即將來臨的情人節和農曆新年,張曼玉將會返巴黎和老公度過,她說:「我一早計劃好返去,但點慶祝到時先算,總之個人返咗去咪得咯!」
而張曼玉剛拍完張藝謀執導的電影《英雄》,她說:「今次拍呢套戲都幾辛苦,要去沙漠,又去咗內蒙古同九寨溝,嗰度生活同食嘢質素都差,但風景就一流,今次就去咗五個月,了解多咗同學多咗好多中國嘅風土人情。我肥咗五、六磅,因為體力消耗大所以食多咗嘢。」
早前有周刊影到她和梁朝偉在內地踩單車的相片,她說:「其實我細細個已經識踩單車,但我覺得唔需要澄清,鍾意點寫咪點寫咯!」
採訪:何永寧 攝影:馬啟然

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載