蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年02月19日

茶煲媽打護駕犯眾怒
張如城《鬆一鬆》隨時出局

12
張如城被指有個麻煩阿媽,令《香港鬆一鬆》工作人員不滿。資料圖片

年僅十四歲的「亞洲神童」張如城,跟廖偉雄和林敏驄等人合作拍無搞笑節目《香港鬆一鬆》不久,即傳出他有個麻煩阿媽,不時在拍攝時意見多多,要求改劇本,弄至《香港鬆一鬆》的台前幕後人員不滿,並計劃在新一輯時,有意將這個麻煩神童 Out出局。

十四歲的「亞洲神童」張如城出道至今,出席任何場合,張母一定陪伴在側,形同經理人一樣,非常緊張地為乖仔打點一切。不知是否愛子心切,張如城在拍攝無搞笑節目《香港鬆一鬆》時,監場的張母都不時加插意見,令人不勝其煩。

拒絕節目中搞笑
縱使張如城所拍的《香港鬆一鬆》是擺明車馬的搞笑節目,但張母仍堅持愛子走的是正氣路線,故不時在《香》節目中拒絕搞笑,甚至試過要求為遷就如城,而將寫好的故事抽起,要將角色改至她滿意後才肯拍。

監製否認飛出局
記者昨日致電《香港鬆一鬆》的監製蕭國雄,對於張如城有個麻煩母親的傳聞,監製蕭國雄說:「佢媽咪比較緊張,好保護如城個形象,唔係幾肯搞笑。試過有個故事係講如城羅湖火車站失蹤,但佢阿媽話唔想令人想起某單新聞,所以唔肯做。如城節目不時俾阿驄、阿燦打,佢媽咪亦都反映過叫我唔好成日虐待佢個仔,其實做戲,你都知成班演員鍾意玩、鍾意搞笑。我都好遷就佢,好多時都等佢放學先拍。」
至於會否在添食的新一輯《香港鬆一鬆》中打算飛起張如城,蕭國雄說:「會唔會添食都未決定,不過開始拍第六集,唔會俾如城講咁多對白,唔係因為傳聞所講飛起佢,而係佢怕羞,唔敢講太多關係。」而如城在節目中主要演出的「拉筋」環節,監製稱在第六集會取消,改由另一個故事代替。

張母稱並無此事
被指是麻煩母親的張母,昨日她在電話對此傳聞回應說:「我冇聽過,亦都冇咁事,如城乜都拍,冇推過戲。不過我應承監製幫佢拍十集,之後重拍唔拍都未知,因為如城好多騷做,佢好忙。」但監製指張母曾拒絕張如城拍攝一些橋段,張母說:「冇咁事。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載