› 選擇地區
三藩市
紐約
洛杉磯
其他美國地區
香港 台灣 北美
 
2002年03月03日

我EQ唔係好高

古仔去年底涉醉酒傷人遭帶返警署。資料圖片

性格篇
去年古天樂兩度在夜店醉酒鬧事,其中與林國斌的那一次較為棘手,不但鬧上警局,更差點被落案起訴傷人,後因警方證據不足,他才逃過官非。

減少流連夜店
古:好多關心我嘅朋友都叫我唔好去咁多呢啲場所消遣,話品流複雜,或者我真係應該檢討吓,等我搬入京士柏山間屋後,地方大咗,我可以請啲朋友返屋企玩,咁應該可以避免再有呢啲新聞發生。
記:你脾氣係咪真係好暴躁?點解咁容易同人喺夜店發生爭執?
古:我唔會主動去同人嘈,更加唔想惹事,但好多時喺呢啲地方發生嘅事,唔係我嘅範圍可以控制。不過受咗咁多教訓,自己都會學精咗,真係唔敢再去咁多呢啲地方。不過有時做得太攰,想同啲朋友去飲嘢、唱歌輕鬆吓,真係冇諗過會發生咁多事,加埋啲傳媒又歪曲件事嚟寫,自己睇完重谷氣。但諗深一層,鬼叫自己去呢啲地方玩咩!唔去人哋就連寫我嘅機會都冇。

封口但求無過
記:有人話你EQ(情緒智能)好低,究竟係唔係?
古:我承認自己EQ唔係好高,喺呢方面我都學習緊,所以𠵱家遇到啲睇唔過眼嘅事,我最多都係唔出聲,做好自己本分就算,我都好怕惹是非。你睇我近年嚟對好多負面報道都採取唔回應態度,就係怕咗啲是是非非,唔想愈描愈黑。

相關新聞:有衝動組家庭

白淨樣睇唔慣
記:你好似好相信風水命理,你幾年前突然將好白嘅皮膚曬到咁黑,係咪聽相士話?
古:曬黑皮膚同相士冇關係,只不過幾年前我喺菲律賓拍《極度重犯》,日日開工曬到好黑,南燕同我講『古仔你黑咗個人睇落去健康啲,可能曬黑啲會轉運。』咁我咪繼續保持黑膚色,我自己都覺得曬黑咗,睇落去都順眼啲,𠵱家我睇番重播嘅《天地男兒》,見到自己白白淨淨,真係連我自己都睇唔慣呢個樣。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載