蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年05月28日
馬上成為壹會員

傳被飛結果走全場做正主人
黎明、華仔收視輸晒畀克勤

黎明:多謝各位!我係主角!

日前傳遭飛出《萬眾同心公益金》節目的黎明,前晚以主人家姿態現身,雖然他個人的籌款數目輸給劉德華,收視率又敗給李克勤,但卻無損他的靚靚心情,慶功宴時,黎明更高舉紅酒逐枱敬酒。

相關新聞:向海嵐透視裝騷身段

前傳黎明因瞓身為有線宣傳世界盃,而被飛出前晚舉行的《萬眾同心公益金》。但前晚黎明以公益金籌委的主人家身份,在電視城打頭陣演出。
黎明前晚的歌舞表演共籌得善款一百五十萬元,而在綵排「壁虎」環節時面部受傷的劉德華,則籌得一百八十萬元,成為全晚籌得最多善款的環節。

收視比去年差
以主人家姿態亮相的黎明,籌款數字輸給劉德華,收視方面,亦輸了給李克勤。克勤獻唱無綫世界盃宣傳歌曲《Victory》時,收視有二十四點(即有一百五十八萬觀眾收看),成為全晚最高收視的時段。而黎明與劉德華表演環節的時段,收視分別有二十二點(即有一百四十五萬觀眾)和二十點(即有一百三十二萬觀眾)。
至於整個節目,平均收視只得二十一點(即有一百三十八萬觀眾),比去年跌了兩點,流失十三萬觀眾。

慶功宴頻敬酒
但前晚黎明心情仍然甚靚,出席公益金在桃源軒酒家舉行的慶功宴時,手持紅酒的黎明滿場飛不停向人敬酒。記者向黎明講及華仔受傷一事時,黎明說:「我都係睇報紙先知佢受傷,聽聞佢係錄影時發生意外。」黎明又即時向身邊助手打探華仔受傷的消息,然後又向記者報料說:「喺綵排時有人『責』親華仔,導致佢心口受傷(其實華仔只是弄傷下巴),所以唱唔到歌。」
黎明又說:「我覺得為咗慈善受傷好唔值得,因為慈善表演應該係溫和嘅,我希望佢快啲冇事,我下次見到佢先慰問佢啦!」
對於早前有傳黎明被飛出公益金節目,黎明說:「係有人收錯料,跟住又起錯題啫,做完大家咪知乜事咯,無綫係大台應該大方。」

自言被擺上枱
而各為其主宣傳世界盃的李克勤和黎明,前晚在化妝間應記者之邀合照,並互祝對方好運。事後黎明說:「克勤一定唔會覺得尷尬,我亦唔係有大將之風,只係有經驗啫!」記者問他有甚麼經驗,黎明笑說:「咪俾人擺上枱經驗咯!」
此外,劉德華昨日就受傷一事回應說:「我多謝黎明對我嘅關心。我只係擦傷下巴,戴頭套只係唔想化妝。我一心做善事,而黎明係籌委會成員,佢係主人家,我只係幫手啫!」
採訪:卓寶花、李珮洳、楊潔雯
攝影:陳偉權、林德雄、黃文偉

相關新聞:志偉代華仔情挑Kelly

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載