蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年05月28日
馬上成為壹會員

傳肝癌惡化留醫
羅文食魚生致腸胃炎入院

羅文本月十九日出席佛誕活動,當時他臉色已不太好。

羅文去年患上肝癌,但接受治療後病情已穩定,可是近日有消息指他的病情有變,須留醫瑪麗醫院。羅文的好友和助手紛紛到醫院探望,他們表示羅文只是因吃了魚生引致腸胃炎。

羅文去年公開承認患了肝癌,病情原已開始穩定,可是日前有傳他因病情有變,秘密進瑪麗醫院治療。
羅文最近一次出席公開活動是日前一個佛誕活動,當時鄺美雲特別送了加持的佛珠給他保平安。而當日所見羅文消瘦了不少,而且臉色亦不太好。

須觀察數日
羅文的契媽張徹太太、助手阿東、前助手Terry和英皇高層甘菁菁、吳雨和霍紋希等,昨日先後到瑪麗醫院探望羅文。
問到Terry可知羅文的病情,他說:「佢因為早幾日食過魚生,所以引起腸胃炎。羅文前晚(大前晚)就入咗醫院檢查,醫生都話過佢,𠵱家佢情況好好,醫生話觀察多幾日,如果冇事就可以日內出院。羅文中午嗰陣重食意粉同睇VCD。」
而羅文的助手阿東昨日探羅文時說:「佢入院都有做一般嘅抽血等檢查,唔係病情有變,真係啋過你!羅文有睇過今日(即昨日)嘅新聞,佢冇唔開心,容祖兒雖然冇嚟,但佢有打電話問候,我都唔希望傳媒亂寫。」

伊健曾探望
羅文徒弟鄭伊健昨日在銅鑼灣出席活動時表示曾往探羅文,他說:「我去過醫院探佢,佢住咗院幾日。其實佢係因為唔舒服去睇醫生,醫生叫佢留院檢查吓,唔係病情惡化。佢為食囉,之前食咗啲魚生,暫時佢未出得院,我會再同林珊珊一齊去探佢。」
採訪:馮美茵、朱芷瑩、駱華齡
攝影:陳烱威

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載