› 選擇地區
三藩市
紐約
洛杉磯
其他美國地區
香港 台灣 北美
 
2002年07月12日

誓創港版Morning娘神話
Cookies日練舞技七小時

﹙左﹚何綺玲(Elaine)17歲
﹙右﹚蒲西兒(Serena)22歲

甫出道已被譽為「港版Morning娘」的九人女子組合Cookies,近日除馬不停蹄出席各公開場合外,更積極排舞及練歌,有時還要連續練舞七小時。不過,Cookies表示從表演中獲得很大滿足感,而且她們九個人相處得十分愉快。

二人組合Twins將遇上勁敵,一行九人的新進女子組合Cookies,成員包括Stephy、Elaine、Serena、Kary、Theresa、Angela、Helena、Miki及Gloria,她們甫出道已被冠以「港版Morning娘」的稱號,亦有不少人將她們與Twins作比較。

以Twins為榜樣
對於被指形式酷似紅透日本的組合Morning娘,Cookies各人都表示不介意,她們日前異口同聲說:「可能我哋有成九個人咁多,同Morning娘好相似,加上我哋嘅表演形式同佢哋亦都好似,因為未必每次都有齊九個人出晒嚟,遲啲亦有可能會加入新成員。我哋近排練舞,重要練足七個鐘。」
而被拿來與Twins比較,Cookies各人都表示僅以對方為榜樣,她們說:「我哋本身都好鍾意Twins,不過唔希望人哋將我哋作比較,因為始終形式唔同,目前我哋只係想得到多啲人嘅認同。」

成員各有優點
事實上,Cookies的成員各有所長,例如Miki及Kary擅長跳HipHop舞,而曾修讀設計課程的Stephy就擔當隊中的服裝顧問。
不少人都會擔心九個女孩子相處時,不免會有爭執或比較,不過Cookies各人同聲說:「我哋九個人好齊心㗎,亦都冇試過有爭執,因為我哋有乜嘢不滿或者意見都會開心見誠攞出嚟講,而且重會成日傾心事㖭。」
採訪:李珮洳 攝影:黃文成
髮型:Jimmy、Herman、Wilson(Chin.G)
化妝:Jan(Oasis)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載