› 選擇地區
三藩市
紐約
洛杉磯
其他美國地區
香港 台灣 北美
 
2002年08月10日

唔妥 Cookies宣傳招似足Twins搞出火

《好驚呀!》Cookies

EMI九人少女組合Cookies自出道以來,她們唱校園歌、打觔斗和穿水着的三部曲,可謂和英皇組合Twins的「三級」上位方程式非常近似,而有傳Cookies的一位成員,以前更涉向周刊提供蔡卓妍與三男同躺沙發的照片,故這段新仇舊怨,令兩隊組合鬧不和。

組合Twins的成功,掀起樂壇的組合熱潮,近期崛起的九人少女組合Cookies,起步不俗,不過她們先唱校園歌曲,繼而在台上打觔斗,最後則以水着示人的招數,和Twins當年的「三級」上位方程式頗為相似。
Twins在去年出道時,憑《明愛暗戀補習社》及《女校男生》等少女校園歌曲而打響名堂,她們在台上表演側手翻更成為標記。及後Twins推出寫真集,當中的水着look亦令人嘩然,但她們卻因此成功突圍,寫真全被掃清。

宣傳手法大同小異
至於EMI今年力捧的九人少女組合Cookies,月前出道即以校園少女歌《心急人上》造出聲勢,緊接她們亦在演出時大翻觔斗,到近日Cookies又以水着拍攝唱片封套,與Twins的上位方式,如出一轍。

阿Sa:我識得一個
有傳Cookies其中一位成員在未入行前,已跟蔡卓妍(阿Sa)在拍片時相識,但這位成員於去年尾竟涉嫌提供相片給周刊,大爆阿Sa於九九年拍攝電影《自從他來了》時,與三個男仔同躺沙發的照片,據聞阿Sa就曾為被朋友出賣而感到十分傷心。
對於Cookies和Twins的上位程式近似一事,昨日記者致電向EMI總裁陳志光求證,他說:「呢啲係模式嚟啫,冇話邊個抄邊個,Cookies跳舞係青春活潑,着泳衣係配合夏天。至於有傳佢哋嘅fans不和,唔知呀,冇乜咁嘅情況出現。」但提到有傳Cookies成員向周刊提供相片爆阿Sa大鑊,陳志光則說:「Cookies冇人識得阿Sa,呢啲嘢冇根冇據,係幾傷害性嘅誣衊,冇呢啲事,Twins嘅嘢亦唔關我哋事。」
不過,阿Sa昨卻直認與Cookies成員認識,她接受電話訪問時說:「我識得Cookies其中一個成員,以前我哋一齊拍過嘢,其實我見到嗰張相俾人登出嚟時,都覺得有啲奇怪。但對傳聞嘅嘢,我唔想回應,因為咁對任何人都唔公平。」

霍紋希:我唔介意
英皇藝人管理部總監霍紋希(Mani)對於Cookies和Twins路線相似一事,昨日在電話中說:「樂壇係百花齊放,Twins咁成功,我哋都唔介意人哋抄嘅。」問到她知否Cookies的fans與Twins歌迷針鋒相對?霍紋希說:「唔係好覺。」對有傳阿Sa遭Cookies舊友出賣,Mani說:「阿Sa係識得其中一個Cookies成員,但未有證據前,我哋唔會對傳言發表任何意見。」
此外,Cookies昨日在銅鑼灣「海天漁港」參加新城主辦的「聯fan搵食團」環節,九名成員大玩以生果砌字及撈蝦,眾人玩到忘形大叫,其中的Helena更走光,遂惹來食客指她們不顧形象,Cookies回應說:「我哋形象係咁,活潑可愛吖嘛,九個女仔唔出聲就好弊啦,我哋係唔顧形象㗎啦。」
採訪:朱芷瑩、王連連
攝影:王連連

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載