› 選擇地區
三藩市
紐約
洛杉磯
其他美國地區
香港 台灣 北美
 
2002年08月17日

曾為前夫扲拖鞋
超瓊歎與其龍情不幸

兩位穿上性感服裝的女模示範同款但不同顏色表帶的Screen鑽表。

賭王何鴻燊千金何超瓊前晚出席瑞士手表品牌Leonard派對時,自言是小女人,又笑稱曾為前夫許晉亨拎拖鞋。她更形容當年與楊其龍拍拖,傳媒報道致她形象變差,過去兩年簡直是不幸。

賭王何鴻燊千金何超瓊(Pansy)前晚往尖沙嘴新世界中心新冶(NewEra)夜總會,出席手表品牌Leonard搞的宣傳新表派對。大會更別開生面在該重新開業的夜總會同場加演活色生香手表show,一眾模特兒穿上火辣辣性感服裝,示範新款手表。

樂做小女人
前晚為派對座上客之一的Pansy十分畀面大會,她佩戴一隻價值一萬九千八百元的「Screen」型號Leonard鑽表赴會。Pansy現專注打理家族生意包括信德及澳娛的業務,近期甚少出席社交活動,伊人表示早前曾往法國度假,然後與澳門政府官員赴內蒙古考察。
問Pansy法國和內蒙古之旅有否豔遇?她心情甚佳地說:「梗係冇,我唔鍾意外國人,我淨係鍾意中國傳統嘅大男人,最好要佢『食住』我。我要幫佢拎埋拖鞋,校水畀佢沖涼,我鍾意做小女人㗎!」記者打趣問Pansy曾否替前夫許晉亨「拎拖鞋」,她則笑說:「有呀,真係有㗎。」

澄清非愛蒲
其後Pansy暗示她與楊其龍已過去的一段情令她形象不佳,實在不幸,她說:「你哋要幫我澄清,呢兩年你哋(指傳媒)寫到我形象咁差,係你哋造成我嘅不幸,係兩年嚟嘅不幸,寫到我係一個成日去蒲夜店嘅人,又惡死同埋行為不檢。」問Pansy現在會否渴望戀愛?她說:「冇諗過,我唔會強求。」
此外,問Pansy有關「十姑娘」何婉琪質疑她在澳娛的資格,Pansy說:「𠵱家已經冇問題,係程序上嘅問題,已經解決晒。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載