蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年08月19日
馬上成為壹會員

辰達老闆欠債 免費商務客位不保
徐子淇:我可以出番機票錢!

徐子淇趁暑假回港,密密行騷賺錢。

趙薇及徐子淇等昨日出席在將軍澳新都城舉行的活動,徐子淇透露她往英國讀書的機票全由辰達永安贊助,她亦知辰達永安的正、副主席陳氏兄弟被追討十億欠款,她說:「如果佢哋唔贊助我,我都可以自己出番機票錢嘅。」

趙薇昨日以「關懷大使」的身份出席在將軍澳舉行的「新都城中心傳情關懷PartyDay」,趙薇穿恤衫及西褲相當密實,雖不及穿上牛仔熱褲行catwalk的徐子淇性感,但趙薇相當受歡迎,有女fans一見她便送上香吻,令趙薇嚇了一跳。最近有台灣報道指趙薇在台灣與周星馳跟傳媒吃飯時,趙薇稱周星馳是她男友,趙薇說:「冇呢件事,都冇時間同佢食飯,我𠵱家都冇拍拖。」

下月中返英國
徐子淇將於下月中便回英國讀書,她說稍後會與家人往韓國旅行,之後還有兩個星期休息,她說:「有可能會接多部戲,之後就返去讀書,其實喺英國都有人搵我做model,但我想淨係讀書,同埋我鍾意喺香港發展多啲,而且我讀書啲機票都唔使錢嘅,全部由辰達永安贊助。」

曾拍旅遊特輯
問到徐子淇可知辰達永安旅遊正副主席陳若偉和陳若磐被追討十億?徐子淇說:「佢哋係上市公司,應該冇問題啩!我同佢哋都有簽約嘅,不過如果佢哋有問題,我都可以自己出番機票錢嘅!」但徐子淇大讚辰達兩位老闆闊綽,她說:「我今年都返咗四次香港,重係坐商務位,我其實都冇同佢哋做過啲乜,淨係拍過一次旅遊特輯同影過一輯相,佢哋就贊助我。」
採訪:胡比 攝影:黃文成

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載