蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年09月26日
馬上成為壹會員

玩《獎門人》錢嘉樂影射成龍緋聞
向海嵐聞成家班扯火

右起:錢嘉樂、曾志偉、向海嵐

向海嵐前晚錄影《吾係獎門人》時,表示自己識得「手指拗出唔拗入」,錢嘉樂即時稱是成龍成家班的武功,並不停提住成家班,最後向海嵐發脾氣,錢嘉樂才收聲。

前晚在電視城錄影的《吾係獎門人》,嘉賓有馬浚偉、向海嵐、蔡少芬、陳豪和朱咪咪等。
主持人曾志偉和錢嘉樂,全晚以馬浚偉和郭羨妮交惡及向海嵐和成龍的緋聞來取笑,最後向海嵐發脾氣,錢嘉樂才閉嘴不說。

即時收口
向海嵐稱自己的絕技是「手指拗出唔拗入」(即把手指向後彎),錢嘉樂即插口說:「據我所知,呢一招淨係得成家班嘅盧惠光先識,點解成家班識做嘅嘢,你都識做嘅?」
其後錢嘉樂還多次提及成家班,最後向海嵐終於忍不住反擊說:「好咯喎!你講夠未呀?」錢嘉樂這時才肯收口。
另外,曾志偉叫馬浚偉表演「和郭羨妮對話」,明顯要整蠱馬浚偉。馬浚偉最後輸掉遊戲,要揹着朱咪咪行石仔路,因為朱咪咪太重,馬浚偉揹了一半路程便已滿頭大汗,朱咪咪又用雙腳夾着馬浚偉的大髀,連錢嘉樂都看不過眼說:「你唔好夾得咁實啦,人哋好辛苦㗎!」

痛到標汗
事後向海嵐和馬浚偉都表示不介意成為被取笑的對象,向海嵐說:「玩吓啫!之前工作人員都叫我玩得放啲,但我估唔到會攞緋聞嚟玩,我都鬧咗佢(錢嘉樂)啦!」
而馬浚偉則說:「玩遊戲啫,至緊要玩得開心,不過孭朱咪咪嘅時候,因為啲石仔拮到我腳底嘅穴位,所以痛到我標晒冷汗。」
採訪:楊潔雯
攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載