› 選擇地區
三藩市
紐約
洛杉磯
其他美國地區
香港 台灣 北美
 
2002年10月10日

自覺不戴Bra最美麗
超儀真空行Show何韻詩偷窺

牛仔布裙$3,290
白色披肩$1,190

日本女裝品牌A/T前晚於灣仔舉行秋冬時裝預演,請來何超儀和何韻詩任嘉賓模特兒。不愛戴bra的超儀表示為行show真空上陣,而何韻詩則在後台偷望超儀換衫。

日本型格女裝品牌A/T前晚於灣仔演藝學院舉行2002秋冬時裝預演,向創意工業致敬,請來不同行業的創作人客串當模特兒,包括化妝、時裝設計、雜誌等,而何超儀(Josie)及何韻詩則分別代表電影及音樂界。

出街凸點靚
A/T冬季新裝以patchwork(拼貼)為主題,把不同質料互相編製縫拼外,更糅合了三十年代高貴、七十年代牛仔、八十年代前衞的風格等,以黑色為主調。
何韻詩罕有地以斯文長裙look行show,她說:「我想試吓嬌俏啲,唔好太性感喇,費事嚇親大家。」何韻詩自評身材時說:「超儀勁啲,我喺更衣室昅到佢,身材好好!」Josie得知自己被「昅」後,頻呼蝕底,她說:「哎吔,我掛住換衫,冇昅到佢(何韻詩)㖭,蝕底晒!」
Josie又表示今次行show真空上陣,更自封「不戴胸罩的女子」,她說:「其實我身材麻麻,一向都唔戴bra,初初嚟香港習慣咗唔戴,出街凸點我都覺得好靚,不過行街成日俾人望住晒,家姐重哦我。」

自嘲大肚腩
問Josie不戴胸圍,會否擔心胸部下垂?她說:「我上圍又唔係好勁,唔使擔心。其實外國人設計嗰啲minitee,就係畀人唔戴胸圍着嘅,西方人覺得美腿先有魅力,而東方人就要個胸巨大、勁嘢先煞食。我就兩樣都冇,淨係得個大肚腩。我諗我最啱就係拍印度片,佢哋個個女角都露出肚皮。」Josie又讚何韻詩是全港身形最fit的藝人,她又評張栢芝過瘦。
採訪:RitaLeung、JessicaNgan
攝影:MatthewLam、ChanKwingWai

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載