蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年10月11日

唔畀面老婆 周正毅公開撐女友
楊恭如贏了!

楊恭如 資料圖片
《我和殭屍有個約會2》主題曲《假如真的再有約會》
楊恭如主演、蔣嘉瑩主唱
原諒我當天不懂得珍惜
只知任性壞事情
唯願你此刻可於虛空中將心聆聽
將來若真的再有約會會完成

楊恭如上周六被當眾掌摑,其身在上海的緋聞男友、上海首富周正毅,昨日透過長途電話力撐恭如,直認事發後曾致電慰問伊人,又表示返港後會繼續與恭如約會。周正毅今次不顧妻子毛玉萍的感受,公開為女友講好話,楊恭如可謂贏盡面子。

相關新聞:三角戀真相

楊恭如上周六在銅鑼灣COVA餐廳遭人當眾掌摑,事後傳媒焦點一度落在其緋聞情人、上海首富周正毅身上。本周一傍晚周正毅與姪兒返回上海,而其妻毛玉萍則一直未有露面,只向外聲稱自己患上感冒。

唔係朋友?
呢啲嘢我從未講過
昨日身在上海的周正毅接受商台節目電話訪問,言談間處處維護他聲稱是其「老鄉」的楊恭如。過去周正毅的妻子毛玉萍出席活動時,只要一聽到楊恭如的名字,必定即時面黑,今次周正毅公開為楊恭如講好說話,可謂完全當毛玉萍「冇到」。
周正毅被問到早前曾否認早已與楊恭如相識一事時,他竟反口說:「冇,呢啲嘢我從未講過,因為大家以為我哋好似偷偷哋唔知做乜咁,有個誤解,其實大家係上海老鄉,係朋友嚟嘅。有好多嘢我都未講過,從來都未同記者講過嘢。」對於早前有報道指他叫楊恭如不要破壞其家庭一事,周正毅亦否認說:「我未講過。」

目睹被摑?
過咗去講都冇意思
問到周正毅經此事後,會否繼續與楊恭如來往?他說:「我同佢都係大人,大家知道自己做法係點樣。」談到他與楊恭如的關係時,周正毅說:「大家係好朋友,冇乜其他關係。」與楊恭如的「好朋友」關係是否影響到他與太太的關係?周正毅說:「冇,我唔想將楊恭如同我太太黐埋一齊講。」

問到對楊恭如的為人有何看法時,周正毅則說:「佢好乖,出面啲人亂講都冇意思嘅。」
周正毅其後被問到楊恭如被掌摑期間是否在場時,他似不願多談,只說:「呢啲我唔想講,唔好意思,過咗去啦,𠵱家講都冇意思。」但周正毅卻表示事後曾致電問候楊恭如,他說:「我都有打電話畀佢,佢話『冇乜嘢,不過係心情唔定囉,其他都冇乜嘢!』我就叫佢下次小心啲。」
至於楊恭如的經理人文雋日前表示有意為她聘請保鑣一事,周正毅卻指沒必要,他說:「我覺得冇意思啦!香港係法治社會,冇可能發生啲離譜嘅嘢。」

繼續約會?
我得閒都冇所謂㗎
對於日前有報道指周正毅買樓送給楊恭如,周正毅笑說:「我覺得好好笑,佢冇必要叫我買樓畀佢,佢自己都有錢賺,我覺得佢唔使靠人,更加唔使靠我啦!」
外間一直有傳周正毅與毛玉萍並沒有正式註冊結婚,他昨日表示不想回答此問題。最後被問到回港後會否再與楊恭如約會時,周正毅說:「我得閒都冇所謂㗎!我得閒都唔知佢得唔得閒啦,冇嘢㗎!冇問題。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載