› 選擇地區
三藩市
紐約
洛杉磯
其他美國地區
香港 台灣 北美
 
2002年10月19日

性感打扮激過Model
陳加玲:冇人嫌胸大!

陳加玲
我使乜用豐胸品呀!

陳加玲前晚身穿超低胸上衣出席時裝展,美好身材呼之欲出,搶盡眾嘉賓及女模的風頭。她表示好身材完全不需依靠市面上的豐胸產品,更直言絕不會嫌胸部太大。

由新昌集團主席葉謀遵的媳婦葉梁美蘭開設的「M16」時裝店,前晚在中環舉行時裝展,出席名人包括陳加玲、傅明憲、胡敏珊及何明懿等。傅明憲前晚拿着一個購自美國的Pucci新款手袋出現,但仍不及一身低胸衫示人的陳加玲搶鏡。

勤練背泳保身段
陳加玲透露早前往日本旅行瘋狂購物,身上的超低胸衫便是戰利品之一,該靚衫將其豐滿身材表露無遺,比台上的模特兒更搶鏡,問她是否借助市面上流行的豐胸產品,陳加玲說:「我從來唔信內服、外塗嘅藥品,我咁多年都係keep住食齋同多啲游背泳,好彩咁多年都keep得唔錯。」問她會否嫌胸部過大?她哈哈笑說:「嘩!呢樣嘢冇人嫌大㗎噃。」

傅明憲避過一劫
至於有沒有擔心過生乳癌這個問題,陳加玲則說:「冇咁快輪到我啩?雖然話𠵱家乳癌年輕化,但係我覺得啲患者多數都係壓力太大,我𠵱家生活好開心,冇乜壓力。」
而傅明憲則透露剛從韓國旅行返港,她說:「真係抹一把汗,我同老公本來諗住去峇里玩嘅,但係去峇里冇直航機,我哋怕麻煩,所以改去韓國囉。」另外,她表示現正籌備其首本小說,她說:「我本小說嘅故事係圍繞住一隻狗醫生㗎。」
採訪:梁錦雯 攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載