蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年10月21日

上海領獎鬥身材 鍾麗緹Win
趙文卓重遇阿梅怕醜

《大男人要威嚴!》梅艷芳與趙文卓合照時,女的大方,男的靦覥。

「2002MTV萊卡風尚頒獎大典」前晚在上海大劇院舉行,鍾麗緹、章子怡、陳冲、林憶蓮及梅艷芳都穿得極之性感,尤以鍾麗緹最搶鏡頭。而梅艷芳與舊男友趙文卓在慶功宴上碰頭,二人密傾一番後更大方合照。
記者胡比、陳慧安上海直擊

相關新聞:MaggieQ、吳彥祖碰頭如陌路

鍾麗緹前晚以一襲黑色大低V晚裝出席「2002MTV萊卡風尚頒獎大典」,林憶蓮則穿大露背裙,而章子怡及梅艷芳亦分別穿透視魚網衫及tubetop開窿上衣,眾女星鬥騷身材,務求成為全場焦點。

偶然約食飯
梅艷芳與舊男友趙文卓分手多年,二人前晚在台上未有碰頭,但在慶功宴上,當阿梅與人寒暄時,剛好趙文卓要離開會場,二人相遇即大方打招呼。阿梅與趙文卓傾完密偈後,亦應記者要求拍合照,阿梅表現較大方,而趙文卓則有點不自然。
事後阿梅接受訪問說:「我哋好耐冇見,不過佢嚟親香港都有搵我食飯,男女分開好平常,又唔係有乜大不了。」對於趙文卓表現尷尬,阿梅則說:「佢好怕醜,但其實大男人,要威嚴,不過唔會太表露。」

名譽好緊要
提到有指StarEast股價下跌,但譚詠麟、陳百祥及曾志偉則早就賺夠錢離場,阿梅說:「我從來冇分過錢,當初朋友話做我就做。」問阿梅投資了多少錢,她說:「投資個名囉,不過信我嘅朋友先信呢樣嘢,名譽好緊要,我要搞清楚啲數,唔想信我嘅人因為咁而有損失。」問阿梅會否退股?她稱:「睇番啲數先,我同成龍情況一樣,都係唔好再問我啦。」
譚詠麟亦提到StarEast情況,他說:「我哋唔係賣StarEast,陳國強傾緊同陽光衞視合作入股。」對於股票蝕錢,阿倫謂:「係長線投資,唔係睇𠵱家。」有指阿倫將辦公室布置奢華,但卻不回去開會,他解釋:「邊有?我成日走嚟走去開會,辦公室放晒E-Kids、EO2啲衫,冇位開會呀。」

萊卡風尚頒獎大典部份得獎名單
香港及台灣
風尚歌曲:杜德偉《愛你的全部》
風尚男演員:吳彥祖
風尚女演員:鍾麗緹
風尚突破創意女歌手:林憶蓮
風尚突破創意男歌手:任賢齊

亞洲區
風尚亞洲演員:梁朝偉
風尚亞洲女歌手:梅艷芳
風尚亞洲男歌手:任賢齊
MTV音樂成就獎:譚詠麟
萊卡風尚成就獎:李寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載