› 選擇地區
三藩市
紐約
洛杉磯
其他美國地區
香港 台灣 北美
 
2002年11月29日

凍冰冰外景趕住學變臉
病貓華仔以一敵百扮英

華仔在新片飾演御貓展昭,獨自衝出重圍。

劉德華正在河北趕拍新戲《老鼠愛上貓》,因當地天氣寒冷而生病,抱恙的華仔前日親身上陣拍攝與百多個士兵對打的戲份,舞刀弄槍扮有型。華仔透露拍完該片後,要到四川正式跟彭登懷大師學變臉。記者魯萍河北直擊

劉德華和張達明正在河北拍攝賀歲電影《老鼠愛上貓》,華仔前日在河北涿洲拍攝一場武打戲,飾演御貓展昭的華仔親身上陣與逾百名士兵對打,只見華仔穿上全白色戲服,舞刀弄槍,英氣十足,但其實當地氣溫在攝氏零度以下,片場不少人都凍得牙關打震,華仔亦早已冷病。

盼到外國表演
華仔拍攝時雖然衣衫單薄,但因運動量大,故未感寒冷,華仔說:「呢度好凍呀,不過我𠵱家就OK,呢組人好多人都病咗,好易患感冒,我都病咗幾日,呢度出外景都要坐幾個鐘頭車,成班人焗喺架車度,一個人病就傳染晒畀其他人。」
早前網上有消息,指華仔稍後到四川正式跟師傅彭登懷學變臉,華仔坦言:「拍完呢部戲就去,𠵱家傾緊過程,未正式學。」問他要學多久,華仔說:「睇資質啦,我唔介意學三、四年㗎。學變臉係講一秒變一個,我師傅最高紀錄係二十五秒變十七塊臉,不過佢話變得太多未必好,因為人哋都未睇清楚你塊面就變咗。」問華仔學成會否公開演出?他說:「未諗住,我希望五十歲後,可以做第一個香港人去外國表演呢項絕技。」

栢芝避見傳媒
張達明提到吳鎮宇結婚,他表示會請假往泰國參加婚禮,達明說:「佢唔會大搞,都係食餐飯囉。到時我或者會表演鬚根騷娛賓啦。」問達明鎮宇是否奉子成婚,他說:「唔會,我點會做呢啲衰嘢。」
另外,張栢芝繼日前在北京舉行記者會時大罵香港傳媒後,她前日原本會接受香港傳媒訪問,但卻突然取消,避見記者。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載