› 選擇地區
三藩市
紐約
洛杉磯
其他美國地區
香港 台灣 北美
 
2002年11月29日

初到寧波撞正李奇熱
羅嘉良簽名似打仗腰斬

《簽名不停手》羅嘉良(左)

羅嘉良早前往寧波,為其任代言人的內地時裝品牌舉行簽名會及行catwalk。由於當地正播映嘉良演出的劇集《難兄難弟》,掀起一片「李奇」熱,首次踏足寧波的他所到之處都有大批fans圍觀,簽名會更中途腰斬。

羅嘉良早前在無綫台慶頒獎禮中,憑《流金歲月》一劇第三度奪得「我最喜愛的男主角」獎。近日羅嘉良首次往寧波,為其擔任代言人的內地服裝品牌「太平鳥」,進行一連兩日的宣傳活動,其間他更舉行簽名會及行catwalk。

走後門避難
羅嘉良當日先在一個廣場的商店內舉行簽名會,因寧波現正播映其主演的經典劇《難兄難弟》,他在劇中演「李奇」,在當地掀起一片「李奇」熱,他所到之處都有大批fans圍觀,所以簽名會開始不及兩分鐘,保安見fans不停擠進,為免發生混亂即腰斬簽名會,並安排羅嘉良從後門離開。

驚迫爆玻璃
日前羅嘉良接受本報電話訪問時說:「嗰日我搞簽名會,一落車就見到好多人,我迫咗好耐至入到場。簽咗幾個名之後,大家都覺得唔對路,因為出面嘅人係咁迫入嚟,啲保安驚迫爆玻璃,所以好快就停咗個簽名會。我行後門走都一樣咁多人,迫嚟迫去好似打仗咁。」
當晚羅嘉良更為時裝表演行catwalk,他說:「嗰晚都好唔得閒,因為同場有好多內地model,佢哋喺後台頻頻搵我影相簽名。夜晚我返到酒店,諗住去咖啡室飲杯咖啡,但係都唔得,因為又係好多人,可能我一路忙拍劇,少去內地宣傳,啲人至咁熱情,不過我都開心嘅。」
採訪:朱芷瑩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載