› 選擇地區
三藩市
紐約
洛杉磯
其他美國地區
香港 台灣 北美
 
2002年11月29日

新居擺吸水陣 果然有料到
林敏驄換紫色平治貪旺場

林敏驄與陳伶俐駕新平治遊車河,好不恩愛。

林敏驄和陳伶俐近日除開設公關公司外,還花了約四十餘萬購買全新平治C320房車,兩人特別挑選紫色車身,寓意將來的演藝事業可以紅到發紫。

林敏驄與陳伶俐夫婦近日把舊有的凌志房車換掉,並以約四十餘萬買入一部全新的紫色平治C320代步。日前兩人便駕着新車一同遊車河,兩夫婦表現得十分恩愛。

舊車已撞凹
問林敏驄為何突然換車,他說:「因為伶俐早排泊位唔小心,將架舊車撞凹咗,而且我見部舊車都用咗幾年,咁啱我哋又睇啱呢架新車,價錢都好啱心水,咪買咗佢囉。我哋揀紫色係希望兩公婆嘅演藝事業可以紅到發紫。」
林敏驄與陳伶俐自從搬到清水灣半島居住後,事業有不錯的發展,陳伶俐說:「我哋之前開咗公關公司,事業都漸漸上軌道,而我近日又多咗好多嘢拍。」林敏驄表示,多得堪輿家麥玲玲的協助,現時的住所才如此好風水,他說:「早排師傅喺我哋屋企擺咗個吸水陣,跟住事業同財運都即刻轉好。」

夫妻打高球
林敏驄近年在多個高爾夫球賽事中有好成績,近日更獲得日本Kasco贊助一套價值數萬元的高爾夫球用品,而他亦很鼓勵太太學打高爾夫球,對此陳伶俐說:「我都好努力學,希望將來可以同老公一齊上陣比賽。將來囝囝林肯大個,我哋都會畀佢學打高爾夫球,不過佢𠵱家太細,只係識得用支球棍打人。」
採訪:比華利 攝影:仇志中

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載