› 選擇地區
三藩市
紐約
洛杉磯
其他美國地區
香港 台灣 北美
 
2002年11月29日

老竇做大閘蟹 買衫唔慳得
陳見飛賣性感自食其力

陳見飛努力替父親辯護。

陳冠希的父親陳澤民最近被傳炒燶股票,但其胞姊陳見飛卻替父辯護,指父親手頭股票仍有機會回升,並無礙她為出唱片置裝的雅興,而她更甘做「小野貓」,圖殺出血路。

陳冠希(Edison)胞姊陳見飛(Tricia)日前推出處女唱片,雖然近期有傳其父陳澤民因炒股而損手爛腳,但Tricia強調父親的經濟沒問題,一家人仍經常一起共膳,父親亦表現開心。而Tricia的出碟計劃依舊,她更花了六位數字買衫,實行以性感小野貓形象殺入樂壇。

「未賣就未蝕」
Tricia今次出碟,打扮相當性感,她說:「或者係因為我鬼妹性格啦,以前我喺加拿大,成個背脊露晒,件衫喺後面縛條繩就出街,但喺香港唔可以,着嚟影吓相就得。」
對於父親的經濟狀況,Tricia說:「爹哋唔算蝕錢,佢只要揸住股票未賣,第日都可能會升番,我唔知股市情況係點,總之未賣就未蝕,係人哋誤會。爹哋好輕鬆,唔覺佢有嘢喎。」
自入行後,Tricia與Edison的關係更見親密,她說:「我同細佬喺工作方面獨立,佢都會關心我,我哋𠵱家日日都通幾次電話,可能係大家喺同一個圈做嘢,話題相同啦。」

錫住陳冠希
不過問到陳文媛近日又傳出與Edison復合時,Tricia即笑說:「唔好問我,上次(她踢爆Edison與陳文媛分手)講咗一啲嘢,搞到我個心好唔舒服。我同細佬嘅關係比任何嘢都重要,所以我唔想再講佢嘅事。」
採訪、攝影:朱芷瑩
髮型:TripleEdgebyPatrickChan
化妝:TripleEdgebyKamenLeung

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載