› 選擇地區
三藩市
紐約
洛杉磯
其他美國地區
香港 台灣 北美
 
2002年11月29日

日綀7小時連演14場
MaggieQ初踏台板亂倫

MaggieQ做完舞台劇,即往楊其龍的酒吧消遣。

MaggieQ主演,由演藝學院製作的英語舞台劇《AllHallows'Eve》前晚首演,演出共十四場。MaggieQ在劇中飾演一個性格極端的十六歲少女,與十九歲的哥哥關係十分曖昧。MaggieQ表示連續一個月每日綵排七小時,十分辛苦。

由MaggieQ主演的英語舞台劇《AllHallows'Eve》前晚在灣仔演藝學院首演,共演出十四場。

有親熱鏡頭
MaggieQ在劇中飾演一個十六歲少女Nimue,劇情圍繞她與飾演兄長的男主角JohnCooney的一段曖昧關係,而他們的父母原來也是兄妹關係,這個舞台劇集合情慾、暴力和心理驚慄等元素。
首次演出舞台劇的MaggieQ演出後接受訪問時說:「如果呢個故事喺現實生活度發生,一定好恐怖,而呢個題材喺亞洲嚟講,都算幾敏感。」MaggieQ在台上演出時不乏與男主角有親密動作,又穿上性感服裝,她說:「我為呢個劇連續一個月由早上十點綵排至下晝五點,連續演十四場都好吃力,好彩我今次嘅對手都係有豐富演出經驗嘅演員,喺佢哋身上我學到好多嘢。」

趕會楊其龍
其後,MaggieQ即與陳冠希胞姊Olivia齊往中環,參加好友楊其龍的餐廳酒吧dragon-i開幕派對。
前晚往捧MaggieQ場的包括陳自強、鄒世龍夫婦及好友Olivia等。鄒世龍大讚MaggieQ演出投入,他說:「佢係一個唔怕辛苦嘅人,喺電影《赤裸特工》打餐死都冇呻過一句。我覺得佢再經過今次演舞台劇嘅鍛煉,演技已經OK,進軍荷李活亦唔係冇可能嘅事,只係欠一個機會啫。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載