› 選擇地區
三藩市
紐約
洛杉磯
其他美國地區
香港 台灣 北美
 
2002年12月31日

Fans當街大罵華仔老餅王
Juno奪新人王學天王出巡

《呢啲花巧嘢嚟嘅!》麥浚龍(圖)前晚往慶功途中,伸頭出車外向歌迷揮手,與劉德華前年取得影帝時的情形一模一樣。

《新城勁爆頒獎禮2002》前晚在灣仔會展舉行完畢,大會特別安排近十名保安在慶功宴會場外守候,歌迷無法走近歌手,但卻掀起一場罵戰,其中麥浚龍的歌迷大罵劉德華是「老餅王」。而麥浚龍則學華仔得影帝時,將頭伸出車外向歌迷致謝。

前晚新城頒獎禮最開心的,似乎要數奪五獎的大贏家劉德華,豈料華仔卻被曾與他有官司糾紛的麥紹棠之兒子麥浚龍(Juno)的歌迷大罵「老餅王」。Juno前晚奪「新人王」表現得極為興奮,他離開會展會場乘保母車到瑞安中心鴻星酒家出席慶功宴時,竟仿效劉德華前年得影帝時的情況,將頭伸出保母車天窗外,並沿途向歌迷高舉獎項炫耀及致謝。

見一個鬧一個
可惜當Juno到達慶功會場時,除他的二十多名歌迷外,全場所有其他歌手的歌迷都大叫:「造馬!」叫聲震天。後來Juno歌迷心有不甘,拿着紙牌兜圈並大叫:「Juno實至名歸。」當Juno歌迷走到劉德華歌迷面前時竟大罵:「老餅王」。
其後Shine及E-kids的歌迷加入一同兜圈為偶像吶喊,一直到歌手離場時,Shine的歌迷見陳曉東即叫嚷:「你冇人氣點攞人氣獎呀?」見陳思慧又大叫:「做×㗎,×街!」幾乎見歌手出現就出言辱罵一番,而另一班拿着E-kids及盧巧音名牌的歌迷,亦大罵蕭正楠為「蕭正豬」,又對李蘢怡大叫:「李蘢怡你個正×街!」

自稱實至名歸
Juno在慶功宴上接受訪問時,堅持聽不到噓聲,他說:「唔係嘛,男女音調問題咋,fans支持自己偶像唔應該鬧人。」至於得獎被指造馬,他說:「我只聽到人哋嗌Juno,你哋係咪聽錯呀?咁大間新城唔會有啲咁嘅事發生嘅,你哋應該聽錯。我都有付出,係實至名歸。」問到其歌迷罵劉德華「老餅王」,Juno說:「我嘅fans好乖,肯定唔係佢哋。」

華仔耍手封口
華仔被問到被罵老餅王時,他別過面耍手示意不欲回答,後來他說:「呢啲嘢我冇回應呀。」
環球高層陳少寶對於Juno得獎被噓及被指造馬,他說:「梗係有敵人㗎啦,我都答唔到你呢個問題呀,任何歌手都要時間磨練先長大,樂壇啲人愈順利,日子就愈短,跌吓先會大嘛。」
採訪:王連連、李珮洳、胡比
攝影:陳偉權、甄朝健、仇志德、林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載