蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年01月17日

剛遭無綫炒魷又接噩耗
車保羅外孫橫死禍不單行

車保羅(圖)表示上月曾與外孫女李津兒做冬,一起用膳,沒想到現在卻陰陽永隔。

前日在銅鑼灣一安全島過馬路時慘遭汽車撞斃的五歲女童李津兒,原來是藝人車保羅的外孫女。剛被無綫解約的車保羅,經濟正陷入困境,又聞外孫女死訊,可謂禍不單行。而另一藝人八両金正是死者母親吳茵茵的契爺,他透露契女連付其女身後事的費用亦有困難。

相關新聞:東芝孖寶經典組合

五歲女童李津兒前日傍晚在銅鑼灣一樁車禍中慘死,事發時一輛的士與凌志四驅車在十字路口相撞,四驅車被撞至橫掃路中心的安全島,造成二死六傷慘劇,其中騎着兒童單車的李津兒首當其衝,連人帶單車被撞至飛彈出馬路,當場慘死,而她原來正是藝人車保羅(原名吳溟蒼)的外孫女,亦是八両金契女的女兒。
現年四十三歲的車保羅,至昨日凌晨時分才獲悉外孫女李津兒的死訊,他昨日在元朗一士多接受記者訪問時說:「我噚晚(即前晚)都有睇新聞,心諗真係冇陰功,點知到夜晚十二點幾我媽媽打電話畀我,先至知道原來嗰個係我孫女,真係好震驚,難以相信係事實,完全冇諗過呢啲事會發生喺自己身上。」

安慰女兒:
佢喊到開唔到聲!
車保羅表示雖甚少與女兒及外孫女聯絡,但他每逢過時過節亦會與她們見面,如上月做冬他亦曾與外孫女及女兒一起食飯。
今次外孫女不幸慘死,車保羅傷心之餘,更聲言要追究責任,他不忿地說:「有大人睇住佢㗎嘛,點會發生咁嘅事㗎?我真係好𤷪𤺧。我之前先至同個女聯絡到,佢喊到完全開唔到聲,我做佢老竇嘅,惟有安慰佢,叫佢堅強啲。」
車保羅又透露八両金是其女兒的契爺,因二人同住北角區,所以經常見面,接觸比他這個生父還多。對於女兒的經濟狀況,車保羅表示若能力範圍能夠做到的,他定盡力幫忙,只可惜在外孫女發生意外前,他剛好接到無綫不再與其續約的通知,往後連自己的生計亦成問題。

生活拮据:
幾千蚊收入都冇!
車保羅說:「我做到下個月七號就冇得再做,俾無綫炒魷魚,以後連幾千蚊收入都冇,我重要養老婆同個八歲大嘅仔,第日生活都成問題。」
記者昨日亦以電話聯絡上車保羅的母親,她說:「車保羅同個女(吳茵茵)好少聯絡,佢同第一個廣東太太結咗婚之後,生咗個女冇幾耐就離婚,將個女畀咗我湊。我住香港、佢住元朗,間唔中佢都會探吓個女,自細唔一齊住,感情係淡啲,𠵱家都好少聯絡,因為佢都唔得閒。至於八金,佢同車保羅以前做電視台識

契爺勞氣:
睇住佢大,佢好乖
此外,八両金昨晨閱報發現車禍死者與契孫女的名字同音,即致電契女吳茵茵查詢,並趕往李津兒於炮台山就讀的幼稚園,與契女會合並加以安慰。
問八両金可知吳茵茵是車保羅的女兒時,他說:「佢哋兩父女嘅嘢我唔想多提,呢啲係佢哋嘅家事。死者嘅阿媽係我契女,我睇住佢兩母女大,同佢哋好熟,佢個女好乖,喺幼稚園攞好多獎,尤其對交通標誌好有認識,佢死得好冤枉。」
八両金又透露契女的經濟環境有困難,他說:「我契女嘅老公早排失業,佢一個人搵幾千蚊養家,𠵱家搞身後事有好多支出,希望你哋呼籲吓幫幫手,我𠵱家嘅環境都有心無力,只可以企喺隔籬喊。」
就吳茵茵處理女兒李津兒身後事的經濟困難,蘋果日報慈善基金方面正打算撥出殮葬津貼,現時正在跟進及了解事件。
採訪、攝影:
張止寒、戴彩煥、馮美茵、娛樂突發組

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載