› 選擇地區
三藩市
紐約
洛杉磯
其他美國地區
香港 台灣 北美
 
2003年01月19日

名人色香賀香港最後一騷
陳小韻、蒙嘉慧為Barney不設防

陳小韻稱為鄭兆良作大膽演出,絕對值得。

鄭兆良(Barney)前晚假中環滙豐銀行總行舉行fashionshow,這次是Barney最後一次在港舉行fashionshow,主題名為「大中華廢柴」(SinoTrash),展出他的新作及過往精采的作品,各模特兒如陳小韻及蒙嘉慧均傾力作性感演出。

有「名媛設計師」之稱的鄭兆良,其作品一向獲得極高的評價,他每次搞的show,亦一定有別於其他設計師的單一化。

突破性演出
前晚是Barney最後一次在港搞show,展出場地是中環滙豐銀行總行,而show前還安排約六百位本地及海外名人嘉賓出席晚宴,論卡士製作絕對稱冠,名副其實是「warm&glamorous」的一夜。
前晚各名模悉力演出,其中以陳小韻、陳嘉容及藝人蒙嘉慧演繹的新裝最受注目,完show後陳小韻與蒙嘉慧皆異口同聲表示為Barney作性感演出是絕對值得。
陳小韻說:「呢次可以話係我喺香港行show以嚟最性感嘅一次,要咁性感一定要視乎係邊個設計師,為Barney我覺得絕對值得。」而蒙嘉慧亦稱前晚所穿的服裝是自己的極限,她說:「我覺得呢次係自己嘅突破,感覺自己真係一個專業嘅模特兒。」

向中國致敬
前晚fashionshow主題為「大中華廢柴」(SinoTrash),鄭兆良說:「做埋呢個show我會計劃往內地搞show,先喺上海,跟住喺北京,主題叫『大中華廢柴』其實並無貶意,係向踏入新紀元嘅中國致敬。喺呢個年代,個個都以身為中國人驕傲,以前叫人廢柴係講啲喺西方生活優游、要風得風,要雨得雨嘅王室世家子弟,𠵱家中國發展得咁快速,一樣有呢批享有優游自由條件嘅人。」
另外,前晚Barneyshow上的服裝,有矜貴至九萬元的鱷魚皮時裝,亦有數百元的古着T-shirt,盡顯時裝的mix&match。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載