› 選擇地區
三藩市
紐約
洛杉磯
其他美國地區
香港 台灣 北美
 
2003年01月19日

黎姿靚裙唔好嘥 出嫁再着
蘭子幾千蚊酬金圓天橋夢

到時條裙Out咗未?
黎姿前晚壓軸出場,造型高貴大方。

陳淑蘭近日努力減肥,希望進軍模特兒界,她前晚終可一圓做模特兒的心願,為Moiselle行騷,但只得數千元和一些禮券做酬金。而黎姿則表示想將今次穿的靚裙留作嫁衣裳。

陳淑蘭、黎姿、羅霖、葉蘊儀、石修兒子陳宇琛和陳寶珠兒子楊天經等,前晚在灣仔會展出席「Moiselle衣香漫影」2003春夏時裝表演,眾人應大會邀請擔任模特兒。

白髮魔女搶鏡
蘭子前晚以兩款不同的造型行天橋,其中一個白髮魔女look十分搶鏡,蘭子說:「呢次行騷我可以話達成咗十幾年嘅心願,我要多謝歐陽妙芝,至於酬勞有四位數字同一啲禮券。」蘭子表示將會用六位數字投資玄學生意。
而黎姿則擔任時裝表演的壓軸模特兒,她穿上一條白色裙以公主look出現,黎姿說:「呢次係髮型師邀請我行天橋,佢哋話留咗條最靚嘅公主裙畀我,我都好鍾意,希望可以留番將來出嫁時着。不過唔知到時出嫁會唔會着,或者已經唔興。我用咗半個鐘頭着呢條裙。」

陳宇琛怕甩褲
另外,羅霖穿上一條熱褲行騷,她說:「我呢幾日特別做咗兩次推脂,呢條褲已經係我嘅極限。」陳宇琛和楊天經則一齊出場,被取笑是男版Twins,陳宇琛說:「我第一次行騷好緊張,頭先要着條好低腰嘅褲,我好擔心會甩。」此外,葉蘊儀對於有雜誌報道她到內地登台時被摸,她說:「當時全場都係女仔,登台賺外快都係工作嘅一部份。」
採訪:楊潔雯 攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載