蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年02月01日
馬上成為壹會員

邱李茂琪闔家印出「一定發」

邱李茂琪與兒子Julian合力炮製賀年綿羊畫。

楊受成外甥邱子傑及太太李茂琪(Margaret)藉喜氣洋洋的農曆新年,與今天滿三歲的兒子聖橋(Julian)及僅四個月大的女兒聖華(Jessie),一家四口穿上賀年服裝,合力製出以一百零八隻綿羊為主題的應節親子賀年畫,取其諧音「一定發」,Margaret表示會將作品放於家中作為新年布置,添新年氣氛。

枕邊擺桔
Margaret說:「我同老公都認同過農曆年一定要好意頭,所以幅畫以紅色做底色,加上今年係羊年,我就以一百零八隻綿羊,加上諧音似『一定發』,特別有意頭,我特登買咗個模,可以畀囝囝同囡囡印上白色綿羊仔,然後我再加眼睛。」Margaret續說:「𠵱家過新年會依奶奶嘅習俗,例如將一對桔擺喺枕頭邊。自從有咗小朋友之後,我哋每年都一定着新年服影相留念,之後會去團拜,令小朋友感染新年嘅氣氛,而且今年年初一更加有意義,因為二月一日(即今天)就係Julian正日生日。」
此外,Margaret表示重拾畫筆有不少樂趣,她說:「我𠵱家暫時停止公關嘅工作,專心照顧Julian同Jessie,重有番時間畫畫,我多數會以家人為畫畫題材。Julian成日睇住我畫畫,佢都培養到有畫畫嘅興趣,我真係好享受呢種生活。」她更表示新一年的願望是可以開個人畫展。
採訪:RitaLeung
攝影:RickyChan

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載