蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年06月13日

跳跳跳小子唔聽教
熊欣欣鬼腳七出招 洋人腳軟

熊欣欣(中)任法國電影《Sonsofthewind》的動作指導,教主角Williams(左)及Chau等功夫。

進軍美國荷李活及歐洲電影市場的熊欣欣,為電影《因咩差事跳跳跳》七位成員主演的法國新片《Sonsofthewind》任動作指導,起初外籍演員對他感抗拒,不過熊欣欣在他們面前示範一些高難度動作後,他們即感到腳軟,大為佩服。

早年在電影《黃飛鴻》中飾演鬼腳七的熊欣欣,近年進軍美國荷李活和歐洲市場,先後為《美麗有罪》女主角美娜蘇華莉主演的《全職劍客》和史提芬史葛主演的《HalfPastDead》等電影任動作指導。

跳七十呎竹棚
最近熊欣欣獲邀為法國新片《Sonsofthewind》擔任動作指導,日前在泰國拍竣此片,片中主角正是曾跟法國名導演洛比桑合作《因乜差事跳跳跳》的七位年輕小伙子,包括Williams及Chau等。熊欣欣日前接受訪問時說:「雖然佢哋七個人本身嘅身手好好,開拍前講明唔要用替身,亦都講明唔想用威吔,但因為今次要做好多高難度動作,例如喺六、七十呎竹棚度跳嚟跳去,結果到拍嘅時候,佢哋驚到腳軟,唔用威吔唔得。」

嬌妻八月分娩
問熊欣欣Williams等身手了得,要他們跟一個中國人學功夫,可會感抗拒?他笑說:「初時佢哋真係有啲抗拒,佢哋係玩開田徑運動,乜嘢高難度動作都做過,除咗Williams同Chau之外,其餘五個人都好難接受佢哋認識以外嘅嘢,所以喺開拍前同佢哋練咗四個星期,喺佢哋面前示範啲高難度動作,睇完之後佢哋個個都服晒!」
熊欣欣與無綫前藝員蔡嘉莉結婚多年,終於造人成功,蔡嘉莉的預產期於八月底。熊欣欣在泰國逗留了數個月拍攝《Sons》片,一直無暇陪伴嬌妻,為此,他完成工作後會即返港陪太太待產。
採訪:戴彩煥

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載