蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年07月18日

大笑姑婆原來憂鬱情緒化
千嬅:我鍾意俾人鬧!

《唔情緒化係做唔到artist㗎!》楊千嬅

向有「大笑姑婆」之稱的楊千嬅,早前接受訪問時,自言是個憂鬱兼情緒化的人,不過亦因為這種個性,才令她更能投入藝人工作。而坦言喜歡得到掌聲鼓勵的千嬅,又矛盾地表示喜歡身邊的朋友不時鬧她,以責罵聲作為鞭策,她謂這樣才是真正的朋友。

楊千嬅早前接受now.com.hk《森美帶你遊花園》訪問時,透露自己是個憂鬱兼情緒化的人,又指若不是自己夠情緒化,根本不可能成為一個藝人。

學習控制情緒
千嬅說:「就係要利用情緒去唱歌同做戲,好似如果場戲講我俾男朋友掟(分手),就要利用情緒入戲,唔情緒化係做唔到artist(藝人),不過呢樣係需要時間去磨練;至於點控制情緒,基本上每年頒獎禮我上台都將情緒表現得唔適合,啲記者就以為我咁樣失控第日啲相會落大啲,但我唔係咁諗,不過我唔想解釋,解釋即係多餘。」
身為藝人自然渴望得到觀眾讚美的掌聲,不過千嬅卻表示掌聲固然重要,但朋友的責罵聲卻同樣不可少。
千嬅說:「掌聲係好緊要,但迫唔到,每一次上台嘅掌聲唔係必然,我鍾意掌聲嘅原因,係因為人哋認同我嘅想法,我嘅創作同演繹。
「不過我亦鍾意人哋鬧我,話我知有乜嘢唔啱,好似𠵱家有幾個同我做緊production(製作)嘅人都成日鬧我,唔單止鬧我唱歌,就連待人處事乜都鬧,咁先係真正朋友,我鍾意人鬧我多啲,因為人好易得戚,鬧多啲,對人都好啲。」

深明人性缺點
此外,千嬅又表示覺得要在娛樂圈生存,其實是要靠鬥智出位,而非鬥靚、鬥威及鬥出名。而千嬅目前最想得到的,是聰明、智慧及自由。
撰文:馮美茵

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載