蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年07月18日

兄妹坐移民監 狂食變肥婆關
關心妍刀叉防盜冇賊埋身!

關心妍(左)與哥哥在溫哥華生活時,學懂獨立。

關心妍小時候十分為食,導致身形肥嘟嘟,故被同學起了花名叫「肥婆關」,不過這個肥妹仔與兄長在加國留學時,練得一身防衞好本領,為防賊人入屋爆竊,兩兄妹竟用刀叉製成防盜鐘,認真犀利!

關心妍以前是肥妹仔,一天到晚只顧着吃,她不會用零用錢來買新衣和文具,反而全奉獻在零食上,加上她長得胖嘟嘟的,故此同學仔為她起了個花名叫「肥婆關」。
關心妍的童年雖然不愁穿不愁吃,但仍然有不快樂的時候。關心妍日前表示八歲那年,父母離了婚,母親把她跟哥哥送到溫哥華留學,一讀就是十三年,這些日子中,關心妍跟比她大年半的兄長相依為命。

負責洗廁所
關心妍日前說:「嗰陣時媽咪同我哋一齊過嚟溫哥華,佢坐咗幾年移民監,之後就返香港繼續做佢嘅美容生意,留低我同哥哥喺嗰邊讀書,媽咪又買咗間屋畀我哋住。我好細個就自己搭巴士,去唐人街買餸煮飯,星期六、日唔使返學,哥哥就負責剪草、吸塵,我就洗廁所同廚房,我同哥哥相處嘅時間最多,所以感情好好。」

鄰居被爆竊
關心妍從小就很獨立,但她與兄長在加國居住時,因年紀太小,每每擔驚受怕。關心妍記得有次其鄰居被賊人入屋爆竊,兩兄妹為此日夜提心吊膽,為防止賊人入屋,他們竟想出一條絕橋,就是自製防盜鐘。
關心妍說:「我同哥哥每晚都好驚,於是就用繩掛住啲刀叉,再將條繩掛喺門度,若果夜晚有人入屋,就會聽到聲,嗰時我哋用咗成年呢個防盜鐘,好彩一路都平平安安,冇事發生。」
採訪:朱芷瑩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載