蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年08月27日

童年住城寨 日日穿膠花
家棟為買波鞋果欄送外賣

家棟十二歲就做童工賺書簿費。 資料圖片

林家棟小時居於九龍城寨,回想當年挽水桶落街裝水、穿膠花和珠仔的日子,至今仍印象難忘。原來家棟十二歲時為了買adidas波鞋而開始做童工,在餐廳送外賣。

林家棟家有八兄弟姊妹,自小雙親離異,但隨母生活的他十分懂性。家棟在家中排行第七,有六個姊姊、一個弟弟,對於當年居於九龍城寨,家棟表示那種克勤克儉的日子,到現在仍很難忘。
日前家棟在尖沙嘴接受訪問時說:「嗰時住城寨好開心㗎,城寨好多時冇水供應,我哋就要攞住個水桶落街裝水,咁細路仔實會玩水,可以促進大家感情,重有穿珠仔、穿膠花啦,呢啲回憶都好開心。」

婚姻態度慎重
不過家棟承認因自己在單親家庭中成長,令他對婚姻採慎重態度,他說:「嗰時阿爸阿媽分開咗,自己重係細,就算你問啲大人發生乜嘢問題,佢哋都唔會答你,但佢哋分開多多少少會影響我對婚姻嘅睇法,一齊組織家庭喎,真係要諗清楚。」
由於家棟媽咪要母兼父職,所以懂事的家棟從小就知慳識儉,他表示以前為了買adidas波鞋,決定自力更生,十二歲那年就開始做童工,在油麻地果欄附近的一間餐廳做外賣仔。

賺錢畀書簿費
家棟說:「可惜因為做嘢而斷送自己嘅學業,雖然都有讀到中學畢業,但成績就唔算太好,嗰時我喺餐廳做兼職外賣仔,成日都倒瀉嘢嘅,好彩老闆對我都好好。我後來都有幫林百欣打過工,喺長沙灣嘅麗新集團做過包裝,但以前細路仔冇乜壓力,做嘢唔覺辛苦,賺到錢重自己畀埋書簿費㖭。」
採訪:朱芷瑩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載