蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年09月05日

東東同「打令」郭慧爭女

《我男又啱,女又啱!》東東與郭慧傳緋聞,日前更不避嫌邀對方演出新歌MV。
設計對白

陳曉東日前不避嫌邀請其新緋聞女友郭慧,演出其新歌MV,但二人並非飾演情侶,郭慧更女扮男裝,反串做東東的情敵,而在MV內東東的真命女友則全程冇出現,十分神秘。

陳曉東日前為新歌《隱瞞》拍MV,他更不避嫌邀請郭慧擔任該MV的主角,而郭慧更穿上黑色西裝女扮男裝,二人拍了一個通宵始收工。

題材涉同性戀
該曲內容描寫一個人徘徊在一段被隱瞞的感情中,東東在MV內飾演一名調酒師,於酒吧認識一名神秘女子,二人發生一段錯綜複雜的感情。但該神秘女子並非郭慧,東東說:「同我有感情關係嘅女主角,全程都唔會出現,咁先夠神秘。」郭慧飾演東東的情敵,她在故事結束前拖着神秘女主角離開,內容更會涉及同性戀及異性戀題材,東東不以為然說:「呢個只係導演諗出嚟嘅故事情節,大家睇完後體會到乜就係乜囉,可能每個人體會嘅嘢都唔同。」

「緋聞唔係真嘅」
東東又說:「呢首歌係林夕填詞,講一個人將回憶變成遺憾,我最鍾意其中一句歌詞『午夜的飛行得到終站』,即係冇得再幻想落去,咁反而好有想像空間。」
對於與緋聞女友郭慧合作,東東表示:「我同佢只係好朋友,緋聞唔係真嘅,我哋咁熟亦唔會有尷尬,我重成日叫佢『打令』㖭。」郭慧聞言則大笑說:「我真係覺得好好笑,咁都有得傳。」問到有否發展機會?郭慧又再大笑說:「你話如果會有發展,我地就唔會喺咁多人面前叫大家做『打令』啦!」
採訪:蔡如育

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載