蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年10月02日

寇鴻萍下月擺喜酒預埋前夫

寇鴻萍與夫婿梁廷鏘大談新婚生活。

寇鴻萍與梁廷鏘上月二十二日在英國註冊結婚後回港,前晚二人在銅鑼灣出席小飛俠手表派對。寇鴻萍表示下月會在港補擺結婚酒會,現正忙於籌備,並邀請其前夫唐基華參加。

名媛胡敏珊與Vivo時裝店前晚在銅鑼灣舉行「BeanAstroHero」慈善派對,請來時裝設計師鄭兆良和歌手楊千嬅、黃耀明等,設計小飛俠T恤義賣,為保護被遺棄動物協會籌款。
前晚鄭兆良、其士太子女周蕙蕙、黃家諾和甘國亮等,出席派對捧胡敏珊場。
寇鴻萍與夫婿梁廷鏘上月二十二日在英國註冊結婚,新婚回港兩人春風滿面,問寇鴻萍可習慣被稱呼為「梁太」,她說:「都重有人叫我寇小姐,我覺得寇小姐好啲,姓梁好普通,跟夫姓梁寇都唔好聽嘅。」

斥欠醫德醫生
寇鴻萍表示正忙於籌備下月結婚酒會,她說:「請帖都未印好,我會請埋前夫(唐基華)同佢嘅屋企人,因為我哋一向都有聯絡,佢哋好支持我,唔會尷尬。」
早前鄭裕玲遭整容醫生李宏邦踢爆曾整容,對此寇鴻萍說:「嗰個醫生我都識,係我前夫嘅親戚,我之前喺英國同嘟嘟通過兩次電話,佢冇講冇提呢件事,即係證明唔緊要啦。」
對於嘟嘟否認整容,寇鴻萍說:「冇就冇所謂,有做過一定有人知。不過我覺得普通家庭醫生、皮膚醫生都唔應該講病人資料,呢啲係醫德嘛。」

當祁文傑係狗
陳淑蘭則與前男友祁文傑拖手到場,舊情復熾傳聞疑幻疑真,但二人再次否認復合。問蘭子為何高調與祁文傑拖手?她竟說:「唔係好高調,好似拖狗咁啫,我同祁生好似屋企人咁,冇晒情慾感覺㗎喇,相士話我明年先有拖拍。」
採訪:RitaLeung
攝影:JerryYan

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載