› 選擇地區
三藩市
紐約
洛杉磯
其他美國地區
香港 台灣 北美
 
2003年10月23日

港版里安納度機場俾靚女圍
鎮宇搵空姐提神 得戚

吳鎮宇(左三)

無綫台慶劇《衝上雲霄》的一班演員昨在國泰城舉行記者會,男主角吳鎮宇最受空姐歡迎,一眾空姐洶湧而上,有如里安納度在《捉智雙雄》的場面一樣。

無綫台慶劇《衝上雲霄》將於下周一晚上九時三十分播出,此劇昨日在機場的國泰城舉行首映禮,出席的演員包括吳鎮宇、陳慧珊、馬德鐘、葉璇、胡杏兒、吳卓羲及陳鍵鋒等。
鎮宇在記者會上出盡風頭,司儀介紹他上台時,台下眾女士即歡呼喝采,不斷呼叫鎮宇的名字。記者會後,一班空姐更把握機會圍着鎮宇,要求合照及簽名,場面有如里安納度狄卡比奧(LeonardoDicaprio)在《捉智雙雄》擁着大班空姐一樣。

不理太座呷醋
鎮宇受到一班空姐熱烈歡迎,不知感覺如何?他說:「咁咪好囉!其實我平時都好少發生啲咁嘅事,因為我好少出街,又怕俾人喺街度叫。」得到一眾空姐的厚愛,鎮宇怕不怕太太呷醋?他說:「都冇得擔心咁多,其實之前拍呢套劇,唯一嘅娛樂每日就係同空姐搭訕,得閒就搵幾個過嚟提一提神。」

李彩樺認無知
拍攝此劇時跟鎮宇傳過緋聞的葉璇,在劇中飾演香港第一位女機師,她說:「頭先睇精華片段嗰時,我同胡杏兒都好感動,我哋重差啲喊出嚟,因為呢套劇我同胡杏兒重成為好朋友。」
此外,李彩樺和胡杏兒昨晚返回將軍澳拍攝《彩虹橋》,二人見面時仍然有講有笑,李彩樺對於被傳不和一事說:「我係電視圈新人,編劇同監製先係專業,劇本係有改過,都係有問題先改,係為部劇好,其他嘢我唔想理。」
採訪:楊潔雯、王崇穎
攝影:甄朝健

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載