蘋果日報 | APPLE DAILY
› 選擇地區
三藩市
紐約
洛杉磯
其他美國地區
2003年12月05日

涉北上召妓斷送一段情
吳啟華、羅泳嫻分手

羅泳嫻昨日正式承認與吳啟華於上月已分手。

吳啟華早前被指北上尋歡後,身為女友的羅泳嫻曾力撐他,不過她昨日向外表示與吳啟華已分手,雖然羅泳嫻自言再見亦是朋友,但當問到尋歡是否分手導火線時,她說:「呢個問題我唔會答你。」

吳啟華十月被雜誌拍得於北京尋歡,公然帶女子返回下榻的飯店度春宵,並遭酒店保安拒諸門外。當時與吳啟華拍拖年多的無綫女藝員羅泳嫻得知男友尋歡一事後,力撐男方及表示絕對相信對方,羅泳嫻以一句「我唔回應已經係保護一個人嘅最好方法」來否認兩人分手傳聞。

「單身都好開心」
事隔兩個月,羅泳嫻昨日於將軍澳電視廣播城出席無綫新劇《鴨寮下的金蛋》拜神儀式,被問到與男友吳啟華的感情,她終於承認兩人已分手。對於是否與吳啟華尋歡有關,她則說:「呢個問題我唔會答你!」
但羅泳嫻自言兩人再見亦是朋友,她說:「我哋喺上個月十九號已經分手,大家喺好和平嘅氣氛之下分開,所以唔好亂諗,我哋主要係性格不合同溝通上有問題。𠵱家單身我都好開心,重多咗好多朋友陪我。」

「係一個好經歷」
羅泳嫻昨日看來心情甚佳,對着鏡頭亦不時笑笑口,問到她分手時吳啟華可有挽留,她說:「大家喺電話度好順其自然咁,傾開呢個念頭。目前都唔覺得可惜,今次係一個好好嘅經歷。」
雖然兩人正式分開,但羅泳嫻仍維護這位前度男友,她說:「我唔想影響到佢,佢今日嘅成績係好辛苦咁捱番嚟。」對於近日分手情侶流行公開情信,羅泳嫻笑說:「我都即刻洗晒啲留言!」
採訪:王崇穎 攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載