› 選擇地區
三藩市
紐約
洛杉磯
其他美國地區
香港 台灣 北美
 
2004年02月16日

踢爆蔡少芬拍咀戲大細超
子華翻舊帳:Ada欠我一嘢

蔡少芬雖然拍過無數次婚紗戲,但強調自己對結婚仍有憧憬。

過往跟對手拍過不少接吻戲的蔡少芬(Ada),昨日被黃子華踢爆早年合作時曾以宗教理由拒絕跟他拍咀戲。但事隔一個月子華卻發現Ada在另一部戲中跟任達華接吻,惹來Ada嫌棄子華疑雲。子華還笑言:「Ada欠我一嘢。」

穿上性感吊帶婚紗的蔡少芬,昨日在九龍塘與黃子華拍攝電視劇《棟篤神探》的一幕結婚場面。
在Ada拍攝個人照時,記者問子華跟Ada可有接吻鏡頭時,子華竟踢爆Ada早年曾經拒絕在電影中跟他接吻。子華說:「今次好彩冇,只不過幾年前Ada欠我一嘢(指接吻),當年佢以宗教理由唔肯同我咀。點知一個月之後,竟然俾我發現佢喺第二部戲同任達華咀,就算今次冇,佢下一套都要還㗎啦!」

大讚子華急補鑊
子華笑言若Ada繼續拒絕跟他接吻,就要給他一萬幾千元作為安撫。記者及後追問Ada當年為何拒吻子華時,Ada即大發嬌嗔嚷道:「叫佢唔好嘈啦!好多年前我同子華拍一部戲,我飾演女同志角色,我覺得冇需要同男性kiss。但同任達華嗰次,我哋係做夫婦,咁兩公婆kiss好正常啫!如果劇情有需要嘅話我冇所謂。」
問Ada這舉動會否令人懷疑她嫌棄子華,她即急忙補鑊說:「絕對唔會,子華咁靚仔,我邊敢嫌棄佢吖,佢人又好又冇口氣,又唔會博懵。」

過節孤伶伶煲碟
此外,子華透露情人節留在家中欣賞劇集《走向共和》影碟,問他是否跟女友一起看時,子華卻說:「呢啲嘢唔啱佢,所以佢咪做自己嘢囉!情人節出街又唔平,我又怕人多,過時過節出面發生乜嘢意外一定冇我份,寧願留喺屋企。」
採訪、攝影:楊潔雯

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載