› 選擇地區
三藩市
紐約
洛杉磯
其他美國地區
香港 台灣 北美
 
2004年03月10日

伍詠薇漂染9小時變夢露

伍詠薇漂染一頭淺金髮,以性感女神造型示人。

伍詠薇、盧巧音、林嘉欣和廖碧兒等前晚在灣仔為髮型騷擔任模特兒,戴頭套、鐵線裝等造型精采獨特。其中伍詠薇漂染頭髮九小時,穿短裙化身瑪麗蓮夢露,大出風頭。

髮型界盛事「第三屆亞洲髮型師大賞」前晚在灣仔君悅酒店舉行及頒獎,同場更由本地兩大髮型機構IlColpo及TheCode舉行盛大hairshow,請來明星、名模助陣。
TheCode以「新季風」為主題,伍詠薇穿吊帶短裙,造型帶點瑪麗蓮夢露的性感誘人,她說:「足足整咗九個鐘頭,漂完啲頭髮再染,不知幾大犧牲,我怕下星期去日本,啲人都唔知我係香港人!」

着定排球褲打底
問伍詠薇風吹短裙,不怕走光?她說:「都怕㗎,我已經帶咗T-back,綵排完,都即刻叫助手去買條排球褲安全啲,因為預咗露底。」
而盧巧音則穿比堅尼上截行騷,中途更凸點,她事後接受電話訪問時說:「我冷親,喉嚨唔舒服,唔覺得特別性感喎。」問她可是台上太凍致凸點?她說:「我都凍到起晒雞皮,咁呢啲(指凸點)係自然反應,冇所謂囉,可能我太虛。」

名模明星鬥搶鏡
IlColpo亦請來方力申、廖碧兒、官恩娜及多位名模如LisaS.、陳嘉容和Fa等行騷,林嘉欣則壓軸出場,她以十五呎長格仔布及JeremyScott名牌布料,DIY做超長裙行騷,完騷後林嘉欣說:「為咗行騷,我四、五個鐘冇食嘢、冇去廁所,因為件衫太難着,上咗台我又要好似拍戲慢動作咁慢行,又唔笑得,忍得好辛苦。」此外,Boy'Z成員Steven的胞弟Ryan亦有份行騷。
採訪:RitaLeung
攝影:EdwardChou

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載