› 選擇地區
三藩市
紐約
洛杉磯
其他美國地區
香港 台灣 北美
 
2004年03月10日

阿B范姜湊女返學證情未變
章小蕙反斥前夫借子宣傳

章小蕙與華裔男伴夜蒲後同車離去,看來盡興而歸。

章小蕙近日因無力繳付兒子鍾嘉浚的六萬元學費,要求校方准許分期付款。對此,章小蕙昨日指分期付款十分普遍,並直斥鍾鎮濤(阿B)沒有幫手負擔之餘,還借兒子學費的問題宣傳新碟。而阿B則與范姜同湊愛女返學,以闢分手傳聞。

雖然章小蕙財政緊絀,無力付愛兒學費,但她繼續夜蒲,前晚十一時多,與一名年約四十歲的華裔男伴離開中環KeeClub,兩人有傾有講,談笑風生。及至昨日下午,章小蕙又與一中年男士在鏞記門前閒談,再在中環店接受訪問。

「個仔有自尊心」
對於外間指她生活奢華,章小蕙反應極大說:「你理得我啫!我覺得分期付款唔係醜事,我唔識印銀紙,但我一個人做四、五份工,只係冇能力一次過畀晒幾萬。作為媽咪,我只係想喺我能力範圍畀最好啲仔女。」章小蕙又說:「我追佢(指阿B)係冇錯,佢畀開每個月七千蚊學費,𠵱家個仔轉校,佢冇畀錢我接受,點解我唔出聲處理咗就錯?我覺得佢出唱片博宣傳,出碟唔講碟,反而講家事,講細路仔,咁樣攻擊我。嗰仔十四歲有自尊心,唔好攞呢啲嚟講。」

指范姜信件被偷
昨日有雜誌報道指鍾鎮濤女友范姜懷孕三個月,阿B更因而與女友鬧分手。但昨晨七時多,兩人離開寶雲道寓所,如常拖着女兒鍾嘉湄返學,到達學校後,阿B更為女兒揹書包,盡顯父愛。
阿B對被指博宣傳反擊說:「我本來天下太平,但近日俾狗仔隊跟蹤,可能因金錢問題俾人整蠱。」阿B又透露范姜近日信件多次被偷,更謂對失竊心中有數,似有所指章小蕙。
而阿B否認女友懷孕及鬧分手,他說:「其實我哋都俾狗仔隊跟咗幾日,佢哋明明噚日先影到我同女友一齊,今日就話分手,特登唔登我同女友一齊嘅相嚟自圓其說,可以話係笑料一則。」
採訪:蔡如育、駱華齡、梁錦雯、娛樂突發組
攝影:梁錦雯、娛樂突發組

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載