› 選擇地區
三藩市
紐約
洛杉磯
其他美國地區
香港 台灣 北美
 
2004年03月10日

林嘉欣打波見紅扮蟹閃

林嘉欣
狂野髮型 新鮮!

林嘉欣日前獲邀擔任女性衞生用品代言人,廣告中她穿色彩鮮豔服裝,並以狂野髮型示人。嘉欣獲廣告商贊助一世免費衞生巾,她高興地說:「至少會用到五十幾歲,重有阿媽同兩個妹,慳唔少㗎!」
拍攝時嘉欣憶起讀書時的瘀事,她說:「讀緊highschool時我加入排球隊,有次練習時啲女仔嘢突然嚟咗,當時我着住條白短褲,有隊友睇見提醒我,我就好似隻蟹咁打斜行去換衫,當時有男同學在場,非常尷尬。」
此外,林嘉欣昨日到港台接受訪問,訪問期間她透露已有一年多沒拍拖,主持找來塔羅牌專家為她占卜,指她今年五、六、九、十月真命天子會出現,是圈中人,如錯失便要再等。

情迷淺野忠信
問嘉欣前度情人是否之前傳緋聞的王海峰,她蠱惑地說:「唔知呢。」並扯開話題說:「我覺得唔會係圈中人,因為圈中人通常合作完之後,好耐先見一次,就算有好感都會冇咗。」問她曾對誰有過好感?她說:「淺野忠信囉,不過佢已經結咗婚,重係人哋爸爸,佢真係好型。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載