› 選擇地區
三藩市
紐約
洛杉磯
其他美國地區
香港 台灣 北美
 
2004年03月25日

靚股天王爆床戲法寶
俊哥布包何B仔:禮貌嚟啫

新加坡有以俊哥命名嘅花,佢話如果香港都送嘢畀佢,一條「裴勇俊道」都唔錯。 陳偉權攝

韓國帥哥裴勇俊卒之返咗韓國,我羅拉喺佢嚟嗰幾日都追到氣咳,不過可以同佢做專訪,都好興奮。
原來俊哥都幾風趣,動作多多,我羅拉發覺佢對每個人都好尊重,唔會因為你係大明星或無名fans而大細超。

搣番先知痛
我羅拉咁八卦,最想知嘅當然係俊哥喺電影《挑情寶鑑》拍裸露鏡頭時嘅細節啦,被問到黐膠紙喺重要部位拍戲痛唔痛,俊哥就表現得有少少尷尬,重問香港星拍呢啲戲係點樣,佢就透過繙譯話:「我係用一塊肉色嘅布遮住再黐膠紙,搣落嚟嗰時都咪話唔痛,但其實要遮住都係禮貌嘅一種嚟啫。」言下之意,如果片場冇人介意,俊哥係咪「坦蕩蕩」都冇所謂?
俊哥喺《挑》入面咁多床戲,佢嘅導演學生女友會唔會醋意大發呢?佢話:「我拍套戲時根本未有女友,而我本身都唔會話套戲係講色情。𠵱家有女友,佢係圈中人,當然明白我嘅工作啦!」

健股保美態
接受訪問時,有女記者問到俊哥有冇「健股」拍露股戲,佢即刻扮晒好嬲咁打人哋大髀,但隨即又企起身扮除褲,問人哋係咪好想睇,俊哥話:「為咗場戲精采啲,都有落過少少工夫,叫啲健身教練同我一齊運動。」
另外,喺套戲入面作露點演出嘅全度妍,前日喺韓國亮相電視節目又真空上陣,有人讚佢站喺潮流前線喎。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載