› 選擇地區
三藩市
紐約
洛杉磯
其他美國地區
香港 台灣 北美
 
2004年03月25日

水着女保身妙方
吉岡飲百寶汁浸死海鹽Fit晒

近來最heat嘅水着女星,都要算係吉岡美穗喇,我羅拉啱啱先介紹完佢嗰本喺泰國拍嘅寫真集,點知話都冇咁快,佢今個月尾又話出DVD《24GOLD》喇,個個月都有新花款,吉岡妹果然識有風駛盡𢃇呀!

堅守四大法則
不過唔講唔知,咪睇吉岡個人柔柔弱弱好似幾懶咁,原來佢為咗以最佳嘅狀態示人,時刻保持應大則大應細則細嘅身段,日日都要堅持做足四大法則,就係每日做三十分鐘有氧運動、飲營養飲品、做腹部按摩同浸一個鐘頭嘅死海鹽浴。

最緊要冇肚腩
大家聽落去可能會話:「就係咁之嘛?」但查實要持之以恒,都咪話唔難,加上吉岡飲嘅,係黑芝麻加牛奶加黑砂糖再加一隻怪味草嘅百寶汁,我羅拉見到佢又黑又綠嘅樣,都唔多開胃。
吉岡又話,身為水着女星,最緊要嘅,其實唔係個胸夠唔夠大,而係個肚腩有冇凸晒出嚟,佢話:「我日日keep住做運動,又成日喺個肚打八字按摩。」
不過就咁,吉岡話其實佢壓力都好大,個個月都要影啲性感相,所以好多時淨係啲外來壓力,都會令佢個肚扁晒喎。不過講真吖,做得藝人邊個想日日冇工開,大把時間吃喝玩樂呀!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載