› 選擇地區
三藩市
紐約
洛杉磯
其他美國地區
香港 台灣 北美
 
2004年03月25日

任電影節大使撐女友新戲
黎明提舒淇沖涼片:點答呀!

黎明表示會自己買飛入場睇《見鬼2》,支持其緋聞女友舒淇。

黎明昨日以榮譽大使身份出席第二十八屆香港國際電影節記者會,對於網上近日再度流傳其緋聞女友舒淇舊日的全裸沖涼片段,黎明對此事顯然不欲多談,不過他就表示會自掏腰包買飛入場觀看由舒淇主演的電影。

第二十八屆香港國際電影節昨日在尖沙嘴舉行記者會,除杜汶澤及導演彭浩翔外,黎明更以榮譽大使身份出席支持。近日網上再度流傳黎明緋聞女友舒淇的全裸沖涼片段,問黎明有何回應?他面帶笑容但語帶雙關地說:「你唔好問我回應,問番你自己,問我都答你唔到,根本唔關我事,我點答呀!返去同你總編講,我已經好有禮貌答咗。」

買飛睇《見鬼2》
對舒淇早前接受訪問時透露因拍完電影《見鬼2》後,令她對日後生兒育女留下陰影,問黎明可知此事?他望一望發問記者,然後說:「點解唔問佢,我又唔係女人。」那麼問他可會入場觀看《見鬼2》,黎明笑着說:「《見鬼》都睇咗,冇理由唔睇《見鬼2》,我會抽空去睇,唔需要問陳可辛攞飛。我唔鍾意問人攞飛,一個有道理嘅人唔會問人攞飛。」

未有時間執導
身為榮譽大使的黎明在國際電影節上要肩負接待外國導演訪港的重擔,近年甚為投入電影幕後工作的他,可有打算在今年再執導演筒?他說:「我冇諗,做演員我重未滿足,除非遇到一個機會,題材好啱,加上我又唔想將電影變成我個人實驗,況且我未有時間,我忙完唱片工作後,七、八月又要還其他公司嘅片約。」
此外,對關錦鵬執導的電影《奪情天》遲遲未開拍,問有份演出的黎明可知原因?他說:「你問番阿關啦,都唔知奪咗去邊,我只收過半個劇本。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載