› 選擇地區
三藩市
紐約
洛杉磯
其他美國地區
香港 台灣 北美
 
2004年03月26日

列十大電視藝人之首 眾花旦擺明唔順超
張可頤遭杯葛:咬耳仔唔尊重

左起:郭可盈、郭羨妮及佘詩曼談得十分投契,備受冷落的張可頤只能尷尬地保持微笑。

由《壹週刊》主辦的「壹電視大獎2004」頒獎禮昨日舉行,現場所見,再次獲獎的張可頤明顯受到冷落,而佘詩曼、郭羨妮和郭可盈三人則全程密密斟,但張可頤一於少理,還暗寸三人道:「我覺得咬耳仔唔尊重。」

相關新聞:郭羨妮首奪獎淚灑當場

張可頤繼去年在無綫台慶奪得「我最喜愛的女主角」獎後,昨日再下一城,成為第十四屆「壹電視大獎2004」頒獎典禮「十大電視藝人」之首。昨日張可頤以一身ChristianDior打扮,出席在紅磡舉行的頒獎禮,與同時獲選「十大藝人」的林文龍及郭可盈夫婦狹路相逢。
張可頤早前在無綫台慶勇奪「我最喜愛的女主角」大獎,一償多年心願,竟一時忘形指郭可盈輸在未有代表作,而林文龍則護妻心切,指張可頤贏獎輸品,實行兩夫婦聯手反擊張可頤。

佘詩曼
拍手掌現不耐煩神情
昨日在頒獎禮酒會上,榮獲「十大藝人」之首的張可頤雖然狀甚風騷地滿場飛,但在頒獎禮的過程中,她卻一直備受眾花旦冷落,除一向與她傳不和的林文龍夫婦外,與張可頤因合作劇集《金枝慾孽》而鬧不和的佘詩曼,雖然就坐在張可頤身旁,卻只顧與郭羨妮密密斟咬耳仔,而郭可盈亦不時加入聊天行列,三個人有傾有講,非常老友。張可頤全程無人理睬,當她上台領獎時,台下眾花旦雖有拍手掌,但佘詩曼卻狀甚不耐煩。
事後問張可頤可有覺得受冷落?她說:「我聽緊台上人哋講嘢,如果喺隔籬咬耳仔我覺得唔係幾好,好似唔係幾尊重。如果講嘢我驚會影響其他觀眾,呢個係我諗法。」
問到佘詩曼為何沒與身旁的張可頤聊天時,她說:「今日頒獎禮,大家好開心,其他嘢唔講。」再問她是否與張可頤有心病?佘詩曼即表示有急事隨即離場。

郭可盈
忽然老友搭膊頭合照
但頒獎禮後眾藝人拍攝大合照時,面對鏡頭郭可盈卻一改冷淡態度,除站到張可頤身旁外,更有傾有講,又互搭膊頭,非常老友。
郭可盈事後表示與張可頤無仇無怨,問到她與張可頤能否再做朋友?郭可盈說:「不嬲都冇當佢係敵人,嗰件事之後都冇正式見過,大家都冇傾過,都係一場遊戲,大家都知大家唔係咁樣嘅人。」提到林文龍曾指張可頤「贏獎輸品」一事,郭可盈說:「大家冇真正講過呢件事,文龍當時只係做回應,唔係攻擊。」

張可頤
勸同事耕耘始有收穫
郭可盈又表示婚後做人處事的態度都有所改變,她說:「以前我好執着,我覺得我攞獎係應該,不過婚後開始識得回顧,原來我擁有好多,好幸運,我要識得珍惜。」
此外,張可頤昨日領獎時在台上勸勉一眾同事要「一分耕耘,一分收穫」,問她會否擔心再被指為人囂張?張可頤說:「我係真心嘅,因為我覺得冇僥倖,冇幸運,我想話畀大家知係要努力先可以得到。」
採訪:楊潔雯、馮美茵 攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載