› 選擇地區
三藩市
紐約
洛杉磯
其他美國地區
香港 台灣 北美
 
2004年04月02日

逾百雙鞋無處放紅白藍袋儲衫
2R月擲萬元置裝捱麵包

2R往贊助商店舖挑選服飾時,顯得十分興奮。

2R近日剛推出新碟,面對排山倒海的宣傳工作,姊妹二人表示最感頭痛的便是服裝問題。雖然2R已獲不少品牌贊助服飾,但仍感入不敷支,要靠父親接濟,更不諱言試過窮到要捱麵包度日,認真陰功。

女子組合2R日前剛推出第二張大碟,為應付宣傳工作,二人要準備大量服裝更換,雖然她們現時由頭到腳都有贊助,但每月仍要自掏腰包花費五位數字來置裝。

大肆搜掠
日前2R到尖沙嘴的Catalog挑選贊助服飾時,姊妹二人即毫不客氣地大肆搜掠一番,又不時交換意見,家姐Rosanne對一雙雙靚鞋情有獨鍾,而妹妹Race就鍾情新款帽子。
2R說:「做歌手要用好多錢打扮,啲款又唔可以着咁耐,而且收入唔係即刻有,有時要等幾個月先收到錢,所以會叫爹哋幫吓手交屋租。我哋平時都會好慳,重試過捱肚餓,食足三餐麵包㖭,我哋唔敢講畀爹哋知,費事佢心痛啦!做得自己鍾意嘅工作梗要付出。」

鞋盒砌牆
此外,2R表示現時家中有過百對鞋和大量衣服,Race說:「鞋櫃都唔夠放我哋嘅鞋,咪要將鞋盒砌成鞋牆,試過趕時間一心急就全部跌晒落嚟。最慘係𠵱家天氣又凍番,我哋因為衣櫥唔夠放冬天衫,所以將冬天衫放晒喺紅白藍膠袋入面,𠵱家要摷番出嚟着,都幾恐怖㗎。」
採訪、攝影:駱華齡

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載