› 選擇地區
三藩市
紐約
洛杉磯
其他美國地區
香港 台灣 北美
 
2004年04月02日

十指不沾陽春水 恐未來老公餓死
黃伊汶誠徵一家之煮

黃伊汶成功做出心形蛋糕,難怪豎起手指公自讚。

不諳廚藝的黃伊汶近日為拍攝劇集《伙頭智多星》,臨急抱佛腳去學焗蛋糕,獲導師稱讚有煮餸天份,不過她表示平時不愛入廚,所以希望嫁個懂煮飯的老公。

黃伊汶(Emme)即將拍攝電視劇《伙頭智多星》,由於該劇題材與煮食有關,但Emme本身對廚藝一竅不通,故日前特地去學整蛋糕,希望惡補一下廚藝。

麵粉糊弄污枱子
當日Emme要焗一個朱古力芒果夾心蛋糕,她在整個過程中表現中規中矩,只是偶爾不小心將麵粉糊弄污枱子。不過,為食的Emme裝飾蛋糕時卻忍不住偷吃忌廉和士多啤梨,幸好導師在旁督促,故Emme最後亦能完成任務,還被導師大讚有天份。
Emme表示平時絕不會親自下廚,她笑說:「我最叻就係坐享其成,你叫我食就叻,整就真係唔得啦。不過今次拍劇都唔知使唔使我整嘢食,所以都係惡補一下先。」

最叻整沙律意粉
問Emme最拿手哪道小菜?她鬼馬地說:「如果打邊爐都算係煮嘢食,咁我就最叻係呢樣啦,講真我平時整得最好味嘅都係沙律同意粉。所以我好希望第時個老公要識得煮嘢食,如果佢等我整畀佢食,就一定會餓死。」
採訪、攝影:李珮洳 場地提供:OVOWorkshop

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載