蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年04月02日
馬上成為壹會員

最乞人憎寸星發財立品
柴崎幸生日Party變乖乖女

近年歌、影、視三棲發展嘅日本女星柴崎幸,早前俾日本記者選為「最乞人憎到要一腳踢」嘅日本寸星,最近佢喺個人處女音樂DVD《SingleClips》入面公開咗自己在幕後工作時嘅片段,我大口羅拉發現阿幸並唔係傳聞中咁臭寸,佢同工作人員合作時,大家亦相處愉快,佢哋重為柴崎幸製造驚喜,同佢補祝生日。

工作時好鬼認真
柴崎幸入行嘅日子唔係好長,既拍劇又演電影,最近重唱埋歌,而佢最近推出嘅處女大碟《蜜》嘅反應唔錯,重出埋一張音樂DVD。相信除咗係柴崎幸人靚歌甜嘅MV吸引到fans之外,MV入面嘅幕後花絮片段亦好有可觀性,我大口羅拉咁八,當然要昅清楚佢拍MV嗰陣係咪好似傳聞中咁臭寸啦。
喺個MV入面,大家會睇到柴崎幸原來工作時好鬼認真,佢會遵照導演嘅吩咐,又經常好客氣咁同工作人員點頭,喺拍攝前後都會同啲手足有講有笑。而啲工作人員對柴崎幸亦都好好,好似趁佢拍完MV之後,喺後台預備咗好大嘅蛋糕同香檳,為佢補祝生日,畀個大驚喜佢。

攞住貓掃係咁掃
重有嘅係班工作人員因為知道柴崎幸養貓,所以送咗個新款嘅貓籃同埋貓掃畀佢。
柴崎幸於是好開心咁攞住個貓掃喺地下係咁掃,好似玩緊隻貓咁。估唔到平時好惡死嘅柴崎幸,原來鬼馬得嚟都好平易近人。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載