蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年04月02日
馬上成為壹會員

夫妻現分歧創業慰寂寥
何琍琍不屑譚玉梅孤陋寡聞

譚玉梅曾表示不知道何琍琍的上海食肆在哪裏。
資料圖片

趙世光太太何琍琍昨日在上海接受訪問,坦承往上海發展飲食業之初是因內心寂寞。談到與丈夫三十年的婚姻,雖然生活態度與對事情看法會有分歧,但分歧並不代表破裂。而對譚玉梅表示不知她上海的食肆在哪,何琍琍說:「咁佢孤陋寡聞囉。」

趙世光太太何琍琍在上海投資千萬的揚州菜食肆百合居,今天開幕,屆時新世界集團主席鄭裕彤亦會擔任剪綵嘉賓。
昨日何琍琍在百合居接受訪問時大談與趙世光結婚三十年心路歷程的改變,她表示丈夫十分支持她在上海的事業,每個月總會抽空一次探望她。而兩人每日都會通電兩次,十月四日是兩人結婚三十周年,屆時將會在她最新投資的ShanghaiClub私人會所大事慶祝。

停低會亂諗嘢
何琍琍承認最初在上海投資飲食業,的確是因為內心寂寞,她說:「我唔係一般平凡女人,有老公仔女就足夠,婚姻只係一張證書,仔女就係兩個人嘅產品,但係人生最後始終要自己一個人行。我寂寞時就睇書同有兩隻狗陪我,唔想畀自己停,因為一停落嚟就會亂諗嘢。」
何琍琍續說:「我承認同老公喺生活態度同對事情嘅睇法上係有分歧,但分歧唔代表破裂,中間識搵個平衡點咪得囉,我好多謝老公畀咁大自由同包容我,畀我自由發揮同埋認同我。」
早前趙世光的紅顏知己譚玉梅亦表示有意在上海進軍飲食業,當記者問她知否何琍琍的上海食肆在哪裏時,譚玉梅則說不知。何琍琍昨日說:「佢真係咁講?咁佢孤陋寡聞囉,我亦冇興趣畀任何忠告佢,佢同街上面任何一個冇兩樣,而且基本上我唔識佢,喺上海只要你有少少錢,就可以做餐飲業,但一個靠自己本事,親力親為又唔同講法。」

「佢似細路嗲我」
何琍琍並說,男人當出事生病時第一時間總會想到妻子,她說:「好似早輪我老公打高球中暑,我即刻返香港照顧佢,佢一見我就好似細路仔嗲父母咁,咁就可以說明一切啦。」
以前何琍琍曾說過與趙世光靠支票傳情,昨日她說:「十幾年前我就注重物質,成日買珠寶,𠵱家已經唔需要靠物質去填補自己嘅自信心啦。」
記者JessicaNgan、ChenWaiOn上海直擊

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載