› 選擇地區
三藩市
紐約
洛杉磯
其他美國地區
香港 台灣 北美
 
2004年04月07日

蒲蘭桂坊武松上身
張智霖、黎姿當街拗腰Kiss

張智霖穿上古裝扮武松,在蘭桂坊激吻扮潘金蓮的黎姿,惹來途人圍觀。

張智霖(Chilam)及黎姿前晚穿上古裝扮武松及潘金蓮,在蘭桂坊拍攝劇集《水滸無間道》一場咀戲。黎姿當街拗腰連咀Chilam五次,令Chilam一嘴唇印。

張智霖、黎姿、王喜及楊怡前晚在蘭桂坊拍攝無綫劇集《水滸無間道》,劇情講述四人蒲吧,王喜刻意灌醉Chilam,而他知道Chilam最喜歡扮打虎英雄武松,於是便趁對方醉倒後為他披上武松戰衣,讓Chilam借醉一咀心儀的黎姿。

乾吻五次
由於Chilam要抱實拗着腰的黎姿接吻,故他曾問導演:「使唔使抱埋隻腳㗎?」兩人開始拍咀戲,前後拍了五次,雖只屬乾吻,但每次拍攝後,黎姿的唇印也會留在Chilam的嘴上,故她不時要補妝。至於王喜及楊怡,就與十多名臨記,拍攝在旁拍掌吶喊的鏡頭,故吸引不少自由行遊客在場圍觀。
事後問Chilam是否即場構思拗腰接吻?他說:「唔係,之前都有諗過,呢場戲係搞笑嘅,都冇乜所謂。」問他曾否向女友袁詠儀備案拍咀戲?Chilam只笑說:「唔使啦啩!」
黎姿則自稱日前「瞓厲頸」需吃止痛餅。問她與Chilam接吻有何感覺?她說:「之前我同Chilam都拍過兩、三次呢啲kiss戲,呢套係輕鬆搞笑戲,我都係第一次拍,Chilam成日都搞笑,所以拍得好開心。」
採訪、攝影:娛樂突發組

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載