蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年04月17日
馬上成為壹會員

「好似做PR咁,下次多多錢唔制」
張文慈落吧餵男人飲酒

《對人歡笑背人愁》張文慈笑着餵男士喝啤酒,但其實心裏極不願意。

張文慈前晚到酒吧宣傳時,與觀眾大玩遊戲,更要餵男士飲啤酒。及後張文慈表示事前不知道要玩遊戲,令她感覺猶如做公關一樣,並謂以後多多錢都不會做。

張文慈前晚到銅鑼灣一間酒吧出席「花花自己友派對」活動,宣傳某牌子啤酒。穿上露肩短裙的她,跟現場喝得臉紅紅似有微醉的男士大玩遊戲,只見張文慈玩得十分投入,其中一環節要她餵男士喝啤酒,男士們亦表現得十分享受。事後張文慈接受訪問時,卻自爆被人賣豬仔,事前不知道要玩遊戲。

規定衣服顏色
問張文慈是否經常到酒吧消遣?她一臉不悅地說:「我冇興趣呀。」然後張文慈滔滔不絕地說:「我傾嘅時候都唔係咁嘅,我只知要做嘉賓,唔知要玩遊戲。我上次都幫過佢哋宣傳,以為今次都一樣,只係頒吓獎,抽吓獎咁,𠵱家搞到好似做PR咁,唔適合我囉。」

張文慈透露今次收取五位數字酬勞,但到場時才知道要玩遊戲,不過她當時已身不由己,只能配合。問張文慈會否有被欺騙的感覺?她說:「唔可以話俾人呃,不過下次我會問清楚,呢啲地方都係唔好嚟,都唔係我想做嘅嘢。𠵱家唔嚟都嚟咗,其實我都推咗佢哋好多嘢冇做,本來要我擺啲pose(甫士),我都推咗,又規定我要着乜嘢顏色嘅衫。」

超越工作範圍
張文慈表示整件事讓她感到頗尷尬,原本還以為有個大舞台,屬一個隆重場合,沒想到要玩遊戲,張文慈又說:「又唔可以話嬲,我自己有少少亂,呢啲嘢超越我嘅工作範圍,下次如果要做一樣嘅嘢,多多錢我都唔做。」問張文慈怕不怕被博懵?她說:「咁啲人都好禮貌,咁多人喺度搞到啲乜呀?我重惡過佢哋啦,都好過返內地登台。」
採訪、攝影:王崇穎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載