蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年04月17日
馬上成為壹會員

靜雞雞上畫 首日僅收七千
霆鋒、趙薇新戲票房仆直

謝霆鋒和趙薇主演的《玉觀音》,票房在內地和香港均告失利。
劇照

謝霆鋒和趙薇去年人氣急跌,兩人擔正的電影《玉觀音》前日靜靜上映,首日票房只得七千多元。負責發行的寰宇老闆林小明直認該片之前在內地票房不理想,所以對港票房亦沒有抱太大期望。

由謝霆鋒和趙薇主演、許鞍華執導的電影《玉觀音》,卡士不俗,未知是否受到霆鋒和趙薇上年人氣急跌牽連,該片前日無聲無息僅在五間戲院上映,當日票房亦只得七千零七十八元,平均每間戲院票房一千四百多元,以每張票價五十五元計算,即每間戲院一日只得二十五個觀眾。

內地票房失利
對於電影上映之前宣傳不足一事,導演許鞍華昨日接受本報電話訪問時說:「呢個問題你要問返寰宇嘅老闆林小明,因為寰宇買咗套戲嘅香港版權,宣傳亦由佢哋話事,我只係導演,可以做嘅係盡量配合。至於話點解咁少戲院上,我都唔係咁清楚,可能因為套戲一月一號喺內地上咗啩。」
而寰宇老闆林小明直言一早已預了該片不會大收,因該片並非商業片,而該片現時才上映,則是因為未能排到檔期。

希望口碑補救
林小明在電話中回應說:「套戲冇乜宣傳,係因為兩位主角都唔喺香港,其實呢套唔係商業片,藝術感比較強,我哋公司只係負責發行,之前套戲喺內地上映,成績都唔係太理想,所以分析過之後,決定唔上咁多院線。至於點解𠵱家先上,係因為之前新年、復活節檔期多大片。」
對於《玉》片首日只得七千多元票房,林小明說:「冇辦法,其實我哋都唔係期望咁高,不過希望口碑好,票房愈嚟愈好啦!」
採訪:張止寒

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載