› 選擇地區
三藩市
紐約
洛杉磯
其他美國地區
香港 台灣 北美
 
2004年05月07日

抓緊幸福唔怕女追男
周麗淇、鄭嘉穎球場論情場

周麗淇與鄭嘉穎於新劇《翡翠戀曲》中以情侶檔出現,新鮮感十足。

周麗淇(Niki)與鄭嘉穎因拍攝無綫劇集《翡翠戀曲》成為好友,Nikki表示雖然從未嘗試追男仔的滋味,但卻樂意為自己的幸福而爭取,免得將來後悔莫及。

周麗淇與鄭嘉穎於無綫新劇《翡翠戀曲》中首度合作,劇中二人演繹一段女追男感情戲,雖然現實中未擦出花火,但二人的表現依然很有默契,更因而成為好友,日前他倆相約在網球場切磋球技。

接受BB班訓練
原來一向熱愛運動的嘉穎是網球高手,當日他大顯身手之餘,更充當教練,教導小師妹Niki網球基本功。Niki雖然對網球一竅不通,但同樣熱愛運動的她表現有板有眼,不過在對打時卻怕被網球擊中,不時「嘩嘩」大叫,非常搞笑。
自小學三年級已接觸網球的嘉穎,揚言今次的訓練是教導三至五歲的初級班,被問到小師妹的表現時,他說:「佢之前話畀我聽唔做運動,網球係第二難嘅,佢比我想像中好,都OK㗎!」Niki隨即笑說:「今次可以偷吓師,唔使畀錢,又可以學嘢,我記得教練(嘉穎)講嗰句『一味靚啲』(揮拍的姿勢)就得㗎喇!」

堅持女仔要矜持
Niki在《翡》劇中要主動追求嘉穎,但現實生活中,Niki從未試過主動追求異性,她說:「我冇咁大膽,女仔點都有矜持好啲,而且我係一個比較傳統嘅人。不過𠵱家我都會覺得要為自己幸福努力,第時要後悔就慘啦!」而嘉穎亦大表贊同,他說:「感情係冇得勉強嘅,我就冇女仔追喇,始終覺得男仔追女仔好啲。」
採訪:羅慧敏 攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載